Фота "Ваяр"
29 чэрвеня, Мінск /Кар. БЕЛТА/. Ва ўмовах, калі супраць незалежных дзяржаў вядзецца гібрыдная вайна, калі сапернікамі беларускай дзяржаўнасці выношваюцца рэваншысцкія планы супраць Рэспублікі Беларусь, асабістая адказнасць кожнага афіцэра шматразова ўзрастае. Аб гэтым заявіў міністр абароны Віктар Хрэнін у час чарговага выпуску афіцэраў Ваеннай акадэміі, перадае карэспандэнт БЕЛТА.
"У гэты знамянальны дзень афіцэрскі корпус краіны прымае чарговае папаўненне. Звыш 400 лейтэнантаў пачынаюць новы этап ваеннай службы ў беларускай арміі і іншых сілавых структурах. Сваё першае афіцэрскае званне вы атрымліваеце напярэдадні галоўнага дзяржаўнага свята - Дня Незалежнасці Рэспублікі Беларусь. І што асабліва важна, напярэдадні знакавага юбілею - 80-годдзя вызвалення Беларусі ад нямецка - фашысцкіх захопнікаў", - сказаў Віктар Хрэнін.
Кіраўнік ваеннага ведамства выказаў упэўненасць, што ў радах новага пакалення беларускіх афіцэраў стаіць нямала праўнукаў герояў-франтавікоў, якія заваявалі мірнае неба над нашай Айчынай: "Цяпер вам, новаму пакаленню абаронцаў Айчыны, давядзецца несці найвышэйшую адказнасць за абарону нашай краіны".
Віктар Хрэнін падкрэсліў, што за восем мірных дзесяцігоддзяў беларускаму народу ўдалося захаваць сваю нацыянальную ідэнтычнасць і стварыць уласную суверэнную дзяржаву. "Сёння наша краіна з'яўляецца адной з нямногіх па-сапраўднаму суверэнных у Еўропе і можа праводзіць незалежную знешнюю і ўнутраную палітыку. Ва ўмовах, калі супраць незалежных дзяржаў вядзецца гібрыдная вайна, калі сапернікамі беларускай дзяржаўнасці выношваюцца рэваншысцкія планы супраць Рэспублікі Беларусь, асабістая адказнасць кожнага афіцэра шматразова ўзрастае", - адзначыў ён.
"Будзьце нязменна адданыя Айчыне і слаўным традыцыям пакалення пераможцаў. Дастойна выконвайце свой воінскі абавязак. Няхай сёння ваша вучоба ні ў якім разе не заканчваецца. Бо практычная ваенная падрыхтоўка з'яўляецца нават больш важнай, чым ваенная адукацыя. Як гаварыў праслаўлены рускі палкаводзец Аляксандр Сувораў, ніякую бітву нельга выйграць адной вучонасцю. І тэорыя без практыкі мёртвая. Таму і ў далейшым прадаўжайце штодзённа ўдасканальваць сваю прафесійную вывучку. Няспынна працуйце над сабой, вучыцеся ў сваіх старэйшых таварышаў, камандзіраў і начальнікаў. Раўняйцеся на іх у ратнай службе. Заўсёды будзьце для падначаленых патрабавальнымі і клапатлівымі камандзірамі", - даў наказ маладым афіцэрам Віктар Хрэнін.
У год палявой вывучкі асноўныя намаганні трэба будзе сканцэнтраваць на баявой падрыхтоўцы сваіх воінскіх падраздзяленняў, дадаў кіраўнік ваеннага ведамства. "Менавіта ўпартая работа ва ўсе часы была галоўным складнікам поспеху, у тым ліку і ў ваеннай справе", - канстатаваў ён.-0-
"У гэты знамянальны дзень афіцэрскі корпус краіны прымае чарговае папаўненне. Звыш 400 лейтэнантаў пачынаюць новы этап ваеннай службы ў беларускай арміі і іншых сілавых структурах. Сваё першае афіцэрскае званне вы атрымліваеце напярэдадні галоўнага дзяржаўнага свята - Дня Незалежнасці Рэспублікі Беларусь. І што асабліва важна, напярэдадні знакавага юбілею - 80-годдзя вызвалення Беларусі ад нямецка - фашысцкіх захопнікаў", - сказаў Віктар Хрэнін.
Кіраўнік ваеннага ведамства выказаў упэўненасць, што ў радах новага пакалення беларускіх афіцэраў стаіць нямала праўнукаў герояў-франтавікоў, якія заваявалі мірнае неба над нашай Айчынай: "Цяпер вам, новаму пакаленню абаронцаў Айчыны, давядзецца несці найвышэйшую адказнасць за абарону нашай краіны".
Віктар Хрэнін падкрэсліў, што за восем мірных дзесяцігоддзяў беларускаму народу ўдалося захаваць сваю нацыянальную ідэнтычнасць і стварыць уласную суверэнную дзяржаву. "Сёння наша краіна з'яўляецца адной з нямногіх па-сапраўднаму суверэнных у Еўропе і можа праводзіць незалежную знешнюю і ўнутраную палітыку. Ва ўмовах, калі супраць незалежных дзяржаў вядзецца гібрыдная вайна, калі сапернікамі беларускай дзяржаўнасці выношваюцца рэваншысцкія планы супраць Рэспублікі Беларусь, асабістая адказнасць кожнага афіцэра шматразова ўзрастае", - адзначыў ён.
"Будзьце нязменна адданыя Айчыне і слаўным традыцыям пакалення пераможцаў. Дастойна выконвайце свой воінскі абавязак. Няхай сёння ваша вучоба ні ў якім разе не заканчваецца. Бо практычная ваенная падрыхтоўка з'яўляецца нават больш важнай, чым ваенная адукацыя. Як гаварыў праслаўлены рускі палкаводзец Аляксандр Сувораў, ніякую бітву нельга выйграць адной вучонасцю. І тэорыя без практыкі мёртвая. Таму і ў далейшым прадаўжайце штодзённа ўдасканальваць сваю прафесійную вывучку. Няспынна працуйце над сабой, вучыцеся ў сваіх старэйшых таварышаў, камандзіраў і начальнікаў. Раўняйцеся на іх у ратнай службе. Заўсёды будзьце для падначаленых патрабавальнымі і клапатлівымі камандзірамі", - даў наказ маладым афіцэрам Віктар Хрэнін.
У год палявой вывучкі асноўныя намаганні трэба будзе сканцэнтраваць на баявой падрыхтоўцы сваіх воінскіх падраздзяленняў, дадаў кіраўнік ваеннага ведамства. "Менавіта ўпартая работа ва ўсе часы была галоўным складнікам поспеху, у тым ліку і ў ваеннай справе", - канстатаваў ён.-0-
Падпісвайцеся на нас у
