Фота "Ваяр"
10 жніўня, Мінск /Кар. БЕЛТА/. Прэзідэнтам Беларусі дадзены ўказанні на ўзмацненне групоўкі войскаў на Гомельскім і Мазырскім тактычных напрамках. Аб гэтым заявіў журналістам міністр абароны Віктар Хрэнін, перадае карэспандэнт БЕЛТА.
"Мы расцэньваем гэта як правакацыю ў адносінах да Рэспублікі Беларусь, - сказаў Віктар Хрэнін. - Улічваючы абстаноўку, якая складваецца ва Украіне, а таксама ў Курскай вобласці Расіі, Галоўнакамандуючы Узброенымі Сіламі аддаў указанні на ўзмацненне групоўкі войскаў на Гомельскім і Мазырскім тактычных напрамках з мэтай рэагавання на любыя магчымыя правакацыі".
Як паведамлялася, дзяжурнымі сіламі па проціпаветранай абароне 9 жніўня выяўлены неапазнаныя паветраныя аб'екты, якія рухаліся з тэрыторыі Украіны ў напрамку Рэспублікі Беларусь. У мэтах своечасовага спынення магчымага парушэння дзяржаўнай граніцы ў паветранай прасторы Рэспублікі Беларусь ва ўстаноўленыя тэрміны былі прыведзены ў гатоўнасць нумар 1 назначаныя сілы і сродкі. Пасля перасячэння дзяржаўнай граніцы паветраныя цэлі былі класіфікаваны як беспілотныя лятальныя апараты і аддадзена каманда на іх знішчэнне.-0-
Падпісвайцеся на нас у
