ДЗЯРЖОРГАНЫДЗЯРЖОРГАНЫ
Флаг Чацвер, 1 чэрвеня 2023
Мінск Пераменная воблачнасць +14°C
Усе навіны
Усе навіны
Грамадства
23 сакавіка 2023, 14:37

Хрэнін аб новым зенітным ракетным палку ў Лунінцы: адэкватна рэагуем на выклікі

Віктар Хрэнін
Віктар Хрэнін

23 сакавіка, Лунінец /Кар. БЕЛТА/. Фарміраванне новага ракетнага зенітнага палка ў Лунінцы стала адэкватным адказам на сітуацыю вакол нашых граніц. Аб гэтым заявіў 23 сакавіка міністр абароны Віктар Хрэнін, перадае карэспандэнт БЕЛТА.

"Абстаноўка вакол нашай краіны не становіцца спакайнейшай. Ідзе актыўная мілітарызацыя Захаду, узрастае ваенны патэнцыял каля нашых граніц. Начыняецца зброяй Украіна, кіраўніцтва Украіны праяўляе непрадказальнасць сваіх дзеянняў. Мы вымушаны дзейнічаць адэкватна на тыя выклікі і пагрозы, якія могуць узнікнуць у рамках бяспекі нашай краіны. Таму было прынята рашэнне на базе існуючай воінскай часці ў Лунінцы стварыць новы зенітны ракетны полк", - растлумачыў Віктар Хрэнін.

Новы полк дыслацыруецца за 50 км ад дзяржаўнай граніцы. "Сюды перамешчаны самыя лепшыя спецыялісты. Яны аснашчаны сучасным узбраеннем. Тут створана добрая вучэбна-матэрыяльная база. Арганізаваны казармы для асабовага складу тэрміновай службы. Пабудаваны службовы дом для сем'яў ваеннаслужачых. Для дзяцей выдзелены месцы ў школах і садах, членам сем'яў прадастаўлены месцы для працаўладкавання", - адзначыў міністр абароны.

Пры фарміраванні новага палка ў прыярытэце было пытанне сацыяльнай абароненасці ваеннаслужачых і іх сем'яў, падкрэсліў ён. "Прэзідэнт неаднаразова гаворыць, што асноўная задача дзяржавы - забяспечыць жыллём бюджэтнікаў і ваеннаслужачых. Будаўніцтва дома для ваеннаслужачых на справе даказвае гэтыя словы. Атрыманне жылля будзе стымулам выконваць задачы больш якасна, эфектыўна, прафесійна. Калі ў чалавека няма хвалявання за свой тыл, ён будзе лепш выконваць задачы. Гэта аксіёма", - сказаў Віктар Хрэнін і дадаў, што з заступленнем палка на баявое дзяжурства ўзмоцніцца баявы патэнцыял Узброеных Сіл і павысіцца эфектыўнасць проціпаветранай абароны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі