Мабільная версія
ДЗЯРЖОРГАНЫ

Апошнія навіны
Усе навіны

Хацько: пытанні лічбавай трансфармацыі АПК - адны з прыярытэтных

Грамадства 17.10.2019 | 15:27
Анатоль Хацько. Фота з архіва
Анатоль Хацько. Фота з архіва

17 кастрычніка, Гродна /Кар. БЕЛТА/. Пытанні лічбавай трансфармацыі аграпрамысловага комплексу сёння сярод прыярытэтных. Аб гэтым сёння ў час наведвання Гродзенскага дзяржаўнага аграрнага ўніверсітэта журналістам паведаміў міністр сельскай гаспадаркі і харчавання Анатоль Хацько, перадае карэспандэнт БЕЛТА.

Аграрная вытворчасць становіцца высокатэхналагічнай галіной эканомікі. Сучасная сельская гаспадарка грунтуецца на дэталёвым вымярэнні ўсіх працэсаў, выкарыстанні аналітычных і інфармацыйных сістэм.

"Пытанні лічбавай трансфармацыі галіны знаходзяцца сярод прыярытэтных. Напрыклад, у міністэрстве сёння і кіраванне, і адміністрацыйныя працэсы пабудаваны перш за ўсё на інфармацыйных тэхналогіях. Усё часцей сродкі аўтаматызацыі, сучасныя навуковыя распрацоўкі выкарыстоўваюцца непасрэдна на вытворчасці. Размова пра бія-, ДНК-, нанатэхналогіі, дакладнае лічбавае земляробства", - адзначыў Анатоль Хацько. Ён падкрэсліў, што выкарыстанне высокіх тэхналогій дае магчымасць аптымізаваць затраты, эфектыўна замяніць ручную працу, рацыянальна выкарыстоўваць рэсурсы.

Анатоль Хацько адзначыў, што за апошнія гады ў аграрнай сферы распрацаваны і ўкаранёны шэраг аўтаматызаваных інфармацыйных сістэм у розных напрамках ад раслінаводства і жывёлагадоўлі да ўліку і абслугоўвання тэхнікі і абсталявання. Сярод актуальных задач лічбавай трансфармацыі ў сельскай гаспадарцы адзначаецца далейшае ўдасканаленне інфармацыйна-камунікацыйных тэхналогій, распрацоўка і ўкараненне інавацыйных спосабаў выкарыстання высокіх тэхналогій, а таксама рэалізацыя механізма "аднаго акна" ў аграпрамысловым комплексе.

"Усё гэта чарговыя крокі па пераходзе да электроннай сельскай гаспадаркі. Цяпер цялікая роля ў гэтым працэсе адводзіцца моладзі. Сённяшнія студэнты, выпускнікі ВНУ будуць на вытворчасці мадэратарамі, карыстальнікамі і заказчыкамі гэтых высокіх тэхналогій", - адзначыў Анатоль Хацько. Ён падкрэсліў, што асаблівая ўвага таксама ўдзяляецца павышэнню прэстыжу аграрных прафесій, замацаванню спецыялістаў у вёсцы, стварэнню для іх дастойных умоў жыцця і працы.

На сустрэчы са студэнтамі і выкладчыкамі ўніверсітэта Анатоль Хацько адзначыў і ролю ВНУ ў гэтым працэсе. Важна, каб маладыя людзі прыходзілі на вытворчасць не проста з тэарэтычнымі ведамі, але і з сур'ёзнай практычнай падрыхтоўкай.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.