Мабільная версія
ДЗЯРЖОРГАНЫ

Апошнія навіны
Усе навіны

Халаднаватае надвор'е і ў асноўным без ападкаў чакаецца ў Беларусі на бягучым тыдні

Грамадства 23.09.2019 | 14:16
Фота з архіва
Фота з архіва

23 верасня, Мінск /Кар. БЕЛТА/. Халаднаватае надвор'е і ў асноўным без ападкаў чакаецца ў Беларусі на бягучым тыдні, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"На працягу рабочага тыдня пераважны ўплыў на ўмовы надвор'я ў Беларусі будзе аказваць скандынаўскі антыцыклон, сфарміраваны ў халодным паветры. Будзе пераважна без ападкаў, у начны час пры ясным небе чакаюцца замаразкі. У канцы рабочага тыдня на поўдні краіны будзе адчувацца ўплыў больш цёплай і вільготнай паветранай масы, а ў выхадныя дні атмасферныя франты, што ідуць з Заходняй Еўропы, абумовяць кароткачасовыя дажджы", - сказалі ў Белгідрамеце.

У аўторак, 24 верасня, будзе пераважна без ападкаў. У начны і ранішні час месцамі магчымы слабы туман. Уначы ў многіх раёнах краіны чакаюцца замаразкі да 4 градусаў, толькі месцамі тэмпература паветра будзе 1-4 градусаў вышэй за нуль. Удзень чакаецца 8-14 градусаў цяпла, па паўднёвым захадзе - да плюс 16 градусаў.

У сераду, 25 верасня, будзе пераважна без ападкаў. Уначы на большай частцы тэрыторыі краіны чакаюцца замаразкі да мінус 3, месцамі тэмпература паветра складзе 1-6 градусаў вышэй за нуль. Удзень будзе 8-15 градусаў цяпла, па паўднёвым захадзе - плюс 16-17.

У чацвер, 26 верасня, будзе пераважна без ападкаў, толькі па паўднёвым захадзе краіны ў асобных раёнах пройдуць кароткачасовыя дажджы. Тэмпература паветра ўначы складзе 1-8 градусаў вышэй за нуль, месцамі, у асноўным па паўночным усходзе краіны, магчымы замаразкі да 3 градусаў, удзень будзе 10-16 градусаў цяпла. У паўднёва-заходніх раёнах краіны ўначы будзе 9-10 градусаў цяпла, удзень - плюс 17-18 градусаў.

У пятніцу, 27 верасня, будзе пераважна без ападкаў, толькі па поўдні краіны месцамі пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе 1-8 градусаў вышэй за нуль, па паўднёвым захадзе - да плюс 10 градусаў, месцамі, у асноўным па паўночным усходзе краіны, магчымы замаразкі да 3 градусаў. Удзень будзе 11-18 градусаў цяпла.

У суботу, 28 верасня, атмасферны фронт абумовіць уначы і раніцай па захадзе, удзень - на большай частцы тэрыторыі краіны кароткачасовыя дажджы. Уначы і раніцай чакаецца слабы туман. Тэмпература паветра ўначы складзе 2-8 градусаў вышэй за нуль, па ўсходзе месцамі магчымы замаразкі да 2 градусаў, удзень будзе 12-18 градусаў цяпла. Па паўднёвым захадзе краіны ўначы будзе 9-10 градусаў вышэй за нуль, удзень - плюс 19-20 градусаў.

У нядзелю, 29 верасня, месцамі па краіне пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе 5-12 градусаў вышэй за нуль. Удзень будзе 13-18 градусаў цяпла, па паўднёвым захадзе - да плюс 20.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.