3 снежня, Мінск /Кар. БЕЛТА/. У Нацыянальнай акадэміі навук гатовы працаваць над вырашэннем існуючых праблем і ўдасканальваць сваю дзейнасць. Аб гэтым заявіў журналістам старшыня Прэзідыума НАН Беларусі, акадэмік Уладзімір Гусакоў па выніках сустрэчы Прэзідэнта Беларусі Аляксандра Лукашэнкі з рабочай групай па аналізе дзейнасці НАН, перадае карэспандэнт БЕЛТА.
Паводле слоў кіраўніка НАН, на мерапрыемстве ў кіраўніка дзяржавы адбылася грунтоўная, дзелавая, патрабавальная размова аб праблемах навуковай сферы ў краіне ў цэлым і Акадэміі навук у прыватнасці. Дзякуючы шырокаму складу ўдзельнікаў абмеркаванне было дэталёвым і шматбаковым, лічыць ён. Больш таго, гэта ўжо другая сустрэча Прэзідэнта з рабочай групай у такім фармаце, што, паводле слоў Уладзіміра Гусакова, сведчыць аб значнасці тэмы для развіцця краіны. "Мы вельмі ўдзячны кіраўніку дзяржавы за ўвагу ў цэлым да навукі і да Акадэміі навук, - сказаў ён. - У нас ёсць бясспрэчныя вынікі, распрацоўкі, укараненні. Але ёсць, вядома, і недахопы".
Напрыклад, адным са слабых бакоў НАН пакуль застаецца маштабаванне распрацовак. Неабходна больш шырокае іх укараненне, больш цесная, выніковая сувязь навукі з галінамі, прадпрыемствамі, упэўнены Уладзімір Гусакоў. Размова таксама ішла аб кадравым патэнцыяле, замацаванні ў навуцы моладзі, стымуляванні маладых спецыялістаў да атрымання навуковых ступеней, абароны дысертацый.
"Усё, аб чым гаварылася (на сустрэчы ў кіраўніка дзяржавы. - Заўвага БЕЛТА), мы ў аператыўным плане гатовы прааналізаваць і зможам укараніць і ў навуку, і ў практыку, - запэўніў старшыня Прэзідыума НАН. - Мы працуем цяпер над новым комплексам праграм нашых даследаванняў на будучую пяцігодку, адпрацаваны прыярытэты навукі, навукова-тэхнічнай дзейнасці. У рамках гэтых прыярытэтаў фарміруецца цэлы комплекс праграм навуковых даследаванняў, якія павінны пераходзіць у распрацоўкі, на іх базе павінны стварацца адпаведныя вытворчасці, якія працуюць на эканоміку краіны, павышаюць яе канкурэнтаздольнасць".
"Гэтыя пытанні вельмі надзённыя, актуальныя, неабходныя. Мы гатовы іх вырашаць", - падкрэсліў Уладзімір Гусакоў.
Важным этапам на шляху павышэння эфектыўнасці НАН стане нарада з навуковай грамадскасцю ў Акадэміі навук, аб правядзенні якой заявіў Прэзідэнт.-0-
Паводле слоў кіраўніка НАН, на мерапрыемстве ў кіраўніка дзяржавы адбылася грунтоўная, дзелавая, патрабавальная размова аб праблемах навуковай сферы ў краіне ў цэлым і Акадэміі навук у прыватнасці. Дзякуючы шырокаму складу ўдзельнікаў абмеркаванне было дэталёвым і шматбаковым, лічыць ён. Больш таго, гэта ўжо другая сустрэча Прэзідэнта з рабочай групай у такім фармаце, што, паводле слоў Уладзіміра Гусакова, сведчыць аб значнасці тэмы для развіцця краіны. "Мы вельмі ўдзячны кіраўніку дзяржавы за ўвагу ў цэлым да навукі і да Акадэміі навук, - сказаў ён. - У нас ёсць бясспрэчныя вынікі, распрацоўкі, укараненні. Але ёсць, вядома, і недахопы".
Напрыклад, адным са слабых бакоў НАН пакуль застаецца маштабаванне распрацовак. Неабходна больш шырокае іх укараненне, больш цесная, выніковая сувязь навукі з галінамі, прадпрыемствамі, упэўнены Уладзімір Гусакоў. Размова таксама ішла аб кадравым патэнцыяле, замацаванні ў навуцы моладзі, стымуляванні маладых спецыялістаў да атрымання навуковых ступеней, абароны дысертацый.
"Усё, аб чым гаварылася (на сустрэчы ў кіраўніка дзяржавы. - Заўвага БЕЛТА), мы ў аператыўным плане гатовы прааналізаваць і зможам укараніць і ў навуку, і ў практыку, - запэўніў старшыня Прэзідыума НАН. - Мы працуем цяпер над новым комплексам праграм нашых даследаванняў на будучую пяцігодку, адпрацаваны прыярытэты навукі, навукова-тэхнічнай дзейнасці. У рамках гэтых прыярытэтаў фарміруецца цэлы комплекс праграм навуковых даследаванняў, якія павінны пераходзіць у распрацоўкі, на іх базе павінны стварацца адпаведныя вытворчасці, якія працуюць на эканоміку краіны, павышаюць яе канкурэнтаздольнасць".
"Гэтыя пытанні вельмі надзённыя, актуальныя, неабходныя. Мы гатовы іх вырашаць", - падкрэсліў Уладзімір Гусакоў.
Важным этапам на шляху павышэння эфектыўнасці НАН стане нарада з навуковай грамадскасцю ў Акадэміі навук, аб правядзенні якой заявіў Прэзідэнт.-0-
Падпісвайцеся на нас у
