Міхаіл Яўраеў
24 лістапада, Мінск /Кар. БЕЛТА/. Для Яраслаўскай вобласці Расіі вельмі важна супрацоўніцтва з Беларуссю ў прамысловасці і АПК. Аб гэтым заявіў кіраўнік рэгіёна Міхаіл Яўраеў на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Губернатар у першую чаргу падзякаваў кіраўніку беларускай дзяржавы за цёплыя словы ў адрас Яраслаўскай вобласці, якая, як было адзначана, блізкая беларусам. "Мы сапраўды адчуваем, што знаходзімся дома", - сказаў ён.
Да цяперашняга візіту ў Беларусь, паводле слоў Міхаіла Яўраева, у рэгіёне адносяцца вельмі сур'ёзна. У Мінск прыехала вялікая дэлегацыя, якая ўключае прадстаўнікоў больш як 10 прадпрыемстваў.
Узаемны тавараабарот Беларусі і Яраслаўскай вобласці апошнія гады дэманструе рост. Калі ў 2021 годзе ён толькі набліжаўся да планкі $300 млн (склаў амаль $280 млн), то ў 2024-м - больш як $370 млн. У аснове беларускага экспарту - сыры, тварог і сметанковае масла, грузавыя аўтамабілі, стальныя пруткі, мяса і харчовыя субпрадукты птушкі. З Яраслаўскай вобласці ў Беларусь імпартуюць пераважна рухавікі ўнутранага згарання, лом чорных металаў, нафтапрадукты, шыны, фарбы і лакі, часткі і прылады для аўтамабіляў і трактароў.
"Мы цяпер ужо на добрым узроўні знаходзімся, ужо ёсць добрае ўзаемадзеянне (з Беларуссю. - Заўвага БЕЛТА), - падкрэсліў губернатар. - Мы ўзаемна развіваемся".
"Для нас вельмі важна супрацоўніцтва і ў прамысловасці, і ў аграпрамысловай сферы", - дадаў ён. Цяпер ужо ідзе цеснае ўзаемадзеянне ў машынабудаўнічай галіне, беларускія прадпрыемствы выкарыстоўваюць рухавікі Яраслаўскага маторнага завода. Напрыклад, каля 140 беларускіх пасажырскіх аўтобусаў з рухавікамі ЯМЗ ужо эксплуатуюцца ў расійскім рэгіёне, чакаецца пастаўка яшчэ 100 адзінак. Ідзе работа над рухавіком для трохвосевых цягачоў, якія можна выкарыстоўваць на тэхніцы МАЗ. "Атрымліваецца такое добрае ўзаемнае тэхнічнае супрацоўніцтва", - адзначыў Міхаіл Яўраеў. Паводле яго слоў, цяпер Яраслаўская вобласць зацікаўлена ў закупках тэхнікі для малой механізацыі і электратранспарту.
Адказваючы на пытанні журналістаў пасля сустрэчы з Прэзідэнтам Беларусі, губернатар асабліва падкрэсліў важнасць забеспячэння тэхналагічнага суверэнітэту, на што цяпер і накіраваны ўзаемныя намаганні дзвюх краін. "Мы развіваем тэхналогіі, узаемна ўзбагачаем адзін аднаго, рухаемся наперад, і гэта ўсё вядзе да павышэння ўзроўню, якасці жыцця людзей", - сказаў ён.
"Ёсць у нас вялікая колькасць кропак для ўзаемадзеяння, - прадоўжыў кіраўнік рэгіёна. - Гэты візіт - яшчэ адзін сур'ёзны крок у напрамку ўзаемнага супрацоўніцтва паміж нашымі братэрскімі народамі". Размова ідзе ў тым ліку аб актывізацыі гуманітарнага супрацоўніцтва, асабліва ў спорце, турызме, адукацыі.-0-
Губернатар у першую чаргу падзякаваў кіраўніку беларускай дзяржавы за цёплыя словы ў адрас Яраслаўскай вобласці, якая, як было адзначана, блізкая беларусам. "Мы сапраўды адчуваем, што знаходзімся дома", - сказаў ён.
Да цяперашняга візіту ў Беларусь, паводле слоў Міхаіла Яўраева, у рэгіёне адносяцца вельмі сур'ёзна. У Мінск прыехала вялікая дэлегацыя, якая ўключае прадстаўнікоў больш як 10 прадпрыемстваў.
Узаемны тавараабарот Беларусі і Яраслаўскай вобласці апошнія гады дэманструе рост. Калі ў 2021 годзе ён толькі набліжаўся да планкі $300 млн (склаў амаль $280 млн), то ў 2024-м - больш як $370 млн. У аснове беларускага экспарту - сыры, тварог і сметанковае масла, грузавыя аўтамабілі, стальныя пруткі, мяса і харчовыя субпрадукты птушкі. З Яраслаўскай вобласці ў Беларусь імпартуюць пераважна рухавікі ўнутранага згарання, лом чорных металаў, нафтапрадукты, шыны, фарбы і лакі, часткі і прылады для аўтамабіляў і трактароў.
"Мы цяпер ужо на добрым узроўні знаходзімся, ужо ёсць добрае ўзаемадзеянне (з Беларуссю. - Заўвага БЕЛТА), - падкрэсліў губернатар. - Мы ўзаемна развіваемся".
"Для нас вельмі важна супрацоўніцтва і ў прамысловасці, і ў аграпрамысловай сферы", - дадаў ён. Цяпер ужо ідзе цеснае ўзаемадзеянне ў машынабудаўнічай галіне, беларускія прадпрыемствы выкарыстоўваюць рухавікі Яраслаўскага маторнага завода. Напрыклад, каля 140 беларускіх пасажырскіх аўтобусаў з рухавікамі ЯМЗ ужо эксплуатуюцца ў расійскім рэгіёне, чакаецца пастаўка яшчэ 100 адзінак. Ідзе работа над рухавіком для трохвосевых цягачоў, якія можна выкарыстоўваць на тэхніцы МАЗ. "Атрымліваецца такое добрае ўзаемнае тэхнічнае супрацоўніцтва", - адзначыў Міхаіл Яўраеў. Паводле яго слоў, цяпер Яраслаўская вобласць зацікаўлена ў закупках тэхнікі для малой механізацыі і электратранспарту.
Адказваючы на пытанні журналістаў пасля сустрэчы з Прэзідэнтам Беларусі, губернатар асабліва падкрэсліў важнасць забеспячэння тэхналагічнага суверэнітэту, на што цяпер і накіраваны ўзаемныя намаганні дзвюх краін. "Мы развіваем тэхналогіі, узаемна ўзбагачаем адзін аднаго, рухаемся наперад, і гэта ўсё вядзе да павышэння ўзроўню, якасці жыцця людзей", - сказаў ён.
"Ёсць у нас вялікая колькасць кропак для ўзаемадзеяння, - прадоўжыў кіраўнік рэгіёна. - Гэты візіт - яшчэ адзін сур'ёзны крок у напрамку ўзаемнага супрацоўніцтва паміж нашымі братэрскімі народамі". Размова ідзе ў тым ліку аб актывізацыі гуманітарнага супрацоўніцтва, асабліва ў спорце, турызме, адукацыі.-0-
Падпісвайцеся на нас у
