.
ДЗЯРЖОРГАНЫДЗЯРЖОРГАНЫ
Серада, 3 сакавіка 2021
Мінск Суцэльная воблачнасць 0°C
Усе навіны
Усе навіны
Грамадства
21 студзеня 2021, 09:54

Грыц: драйверам эканомікі павінен быць нацыянальны бізнес

Фота з архіва
Фота з архіва

21 студзеня, Мінск /Кар. БЕЛТА/. Драйверам беларускай эканомікі павінен быць нацыянальны бізнес. Такое меркаванне выказаў у эфіры праграмы "Панарама" на тэлеканале "Беларусь 1" намеснік старшыні Беларускай навукова-прамысловай асацыяцыі Георгій Грыц, каменціруючы асноўныя напрамкі праграмы сацыяльна-эканамічнага развіцця Беларусі на 2021-2025 гады, перадае карэспандэнт БЕЛТА.

"Часам нам проста навязваюць меркаванне: вось прыйдзе замежны інвестар і будзе нам шчасце. Але трэба дакладна разумець, што гэта чужая для іх краіна, і яны прыходзяць сюды зарабляць грошы. Сусветны вопыт, у тым ліку краін з пераходнай эканомікай (Паўднёвай Карэі, КНР, нават суседняй Польшчы) сведчыць аб тым, што драйверам з'яўляецца нацыянальны бізнес. Прытым няважна які - прыватны або дзяржаўны. Ён павінен быць магнітам, павінен быць прывабным. З гэтага пункту гледжання, мне здаецца, пераарыентацыя на стварэнне спрыяльных умоў для нацыянальнага бізнесу з'яўляецца прыярытэтам. У прынцыпе, і праект будучыні, які Мінэканомікі фарміруе, арыентаваны на нацыянальны бізнес", - сказаў Георгій Грыц.

Асноўныя напрамкі сацыяльна-эканамічнага развіцця краіны на бліжэйшыя пяць гадоў абмяркуюць дэлегаты VI Усебеларускага народнага сходу. "Урад прапанаваў сцэнарый - рост на 20 працэнтаў за пяцігодку. Я разглядаў бы гэта як базавы падыход. А задача, з майго пункту гледжання, павінна быць больш амбіцыйнай. Калі мы хочам дасягнуць узроўню сумежных краін, не быць краінай трэцяга свету, гэта значыць быць краінай з развітой эканомікай, увайсці ў лідары ва Усходняй Еўропе, мы павінны штогод расці на 5-6 працэнтаў. Вядома, з вызначэннем драйвераў, крыніц, рэсурсаў і гэтак далей", - адзначыў эксперт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі