Сцяг Пятніца, 24 мая 2024
Усе навіны
Усе навіны
Грамадства
16 лютага 2016, 18:04

Глыбокая патрыятычная журналістыка адыгрывае важкую ролю ў развіцці краіны - Ананіч

16 лютага, Мінск /Кар. БЕЛТА/. Глыбокая патрыятычная журналістыка адыгрывае важкую ролю ў развіцці дзяржавы, заявіла сёння міністр інфармацыі Беларусі Лілія Ананіч у час узнагароджання пераможцаў штогадовага творчага конкурсу на лепшае асвятленне ў СМІ пытанняў будаўніцтва і развіцця Узброеных Сіл, патрыятычнага выхавання насельніцтва, перадае карэспандэнт БЕЛТА.

"Глыбокая патрыятычная журналістыка, сродкі масавай інфармацыі адыгрываюць важкую ролю ў развіцці беларускай дзяржавы. 2015 год яшчэ раз пацвердзіў упэўнены курс беларускага народа на будаўніцтва незалежнай Беларусі. Нараўне з галоўнымі сімваламі суверэннай Беларусі, якімі з'яўляюцца герб, сцяг і гімн, стаяць нацыянальныя сродкі масавай інфармацыі, інфармацыйная прастора краіны", - сказала Лілія Ананіч.

Міністр падкрэсліла, што сёння, у век новых тэхналогій, велізарная роля СМІ бясспрэчная. "Сродкі масавай інфармацыі ў сваіх лепшых традыцыях, беражліва ставячыся да гістарычнай памяці, у мінулым годзе рэалізавалі многія знакавыя праекты патрыятычнай накіраванасці. Мы бачылі маштабную работу па асвятленні 70-годдзя Вялікай Перамогі. Мы ведаем, што лепшыя журналісты працуюць у сферы асвятлення будаўніцтва і развіцця Узброеных Сіл, расказваючы пра нялёгкія армейскія будні і ўмацоўваючы веру беларускага народа ў тое, што наша армія здольна абараніць рубяжы Айчыны", - дадала яна.

Пры гэтым, паводле слоў Ліліі Ананіч, важна, каб журналісты накіравалі ўсю сваю інфармацыйную сілу на выхаванне падрастаючага пакалення. "Каб тыя мэтавыя ўкіды, якія робяцца з розных бакоў і з'яўляюцца не чым іншым, як спробай расхістаць наша грамадства і дзяржаву, упіраліся ў цвёрдую веру кожнага, у патрыятызм", - падкрэсліла кіраўнік ведамства.-0-

Падпісвайцеся на нас у
Twitter
Топ-навіны
Свежыя навіны Беларусі