Фота warmuseum.by
27 студзеня, Мінск /Кар. БЕЛТА/. Подзвіг жыхароў блакаднага Ленінграда даваў людзям сілы змагацца супраць нацысцкіх захопнікаў у гады Вялікай Айчыннай вайны. Такой думкай падзяліўся з карэспандэнтам БЕЛТА намеснік старшыні Пастаяннай камісіі Палаты прадстаўнікоў па адукацыі, культуры і навуцы, член Вучонага савета Інстытута гісторыі НАН Беларусі Вячаслаў Даніловіч.
"Хацелася б падкрэсліць: нягледзячы на блакаду, нягледзячы на голад, холад, дух ленінградцаў не быў зламаны. Прыклад Ленінграда быў на вачах усіх воінаў, партызан, падпольшчыкаў у гады Вялікай Айчыннай вайны. Гэта надавала людзям сілы змагацца супраць акупантаў, супраць нацысцкіх захопнікаў", - сказаў Вячаслаў Даніловіч.
Паводле слоў гісторыка, ліквідацыя блакады Ленінграда мела вялікае значэнне ў цэлым для выніку Вялікай Айчыннай вайны.
"Для нас, беларусаў, безумоўна, гэта таксама памятная дата. Дзякуючы перамозе ў Вялікай Айчыннай вайне наш народ і наша дзяржаўнасць захаваліся. Больш таго, многія блакаднікі Ленінграда ў пасляваенны перыяд жылі на тэрыторыі Беларусі. Ветэраны блакады Ленінграда жывуць у нашай краіне і сёння", - сказаў ён.
Вячаслаў Даніловіч таксама адзначыў, што ў блакадзе Ленінграда ўдзельнічалі не толькі войскі нацысцкай Германіі, але і фактычна ваеннаслужачыя з яшчэ 11 краін Еўропы.
"Не магу не падкрэсліць і той факт, што ў 2022 годзе ў Расійскай Федэрацыі ў судовым парадку блакада Ленінграда была прызнана генацыдам савецкага народа, што абсалютна правільна і дакладна па азначэнні", - дадаў ён.
Блакада Ленінграда, якую ўчынілі нацысты, стала самай бязлітаснай у гісторыі чалавецтва. За гады гэтага вельмі цяжкага для савецкіх людзей выпрабавання загінулі, паводле розных даных, ад 400 тыс. да 1,5 млн жыхароў горада. Так, на Нюрнбергскім працэсе фігуравала колькасць 632 тыс. чалавек. Толькі 3 працэнты з іх загінулі ад бамбёжак і артабстрэлаў, а астатнія 97 працэнтаў памерлі ад голаду і холаду.
Канчаткова блакада Ленінграда была знята 27 студзеня 1944 года. Увечары неба азарылася салютам у гонар вызвалення горада на Няве.
Загадам Вярхоўнага галоўнакамандуючага ад 1 мая 1945 года Ленінград атрымаў званне горада-героя за стойкасць і мужнасць, праяўленыя жыхарамі ў час блакады. 8 мая 1965 года ўказам Прэзідыума Вярхоўнага Савета СССР горад-герой Ленінград быў узнагароджаны ордэнам Леніна і медалём "Залатая Зорка".-0-
"Хацелася б падкрэсліць: нягледзячы на блакаду, нягледзячы на голад, холад, дух ленінградцаў не быў зламаны. Прыклад Ленінграда быў на вачах усіх воінаў, партызан, падпольшчыкаў у гады Вялікай Айчыннай вайны. Гэта надавала людзям сілы змагацца супраць акупантаў, супраць нацысцкіх захопнікаў", - сказаў Вячаслаў Даніловіч.
Паводле слоў гісторыка, ліквідацыя блакады Ленінграда мела вялікае значэнне ў цэлым для выніку Вялікай Айчыннай вайны.
"Для нас, беларусаў, безумоўна, гэта таксама памятная дата. Дзякуючы перамозе ў Вялікай Айчыннай вайне наш народ і наша дзяржаўнасць захаваліся. Больш таго, многія блакаднікі Ленінграда ў пасляваенны перыяд жылі на тэрыторыі Беларусі. Ветэраны блакады Ленінграда жывуць у нашай краіне і сёння", - сказаў ён.
Вячаслаў Даніловіч таксама адзначыў, што ў блакадзе Ленінграда ўдзельнічалі не толькі войскі нацысцкай Германіі, але і фактычна ваеннаслужачыя з яшчэ 11 краін Еўропы.
"Не магу не падкрэсліць і той факт, што ў 2022 годзе ў Расійскай Федэрацыі ў судовым парадку блакада Ленінграда была прызнана генацыдам савецкага народа, што абсалютна правільна і дакладна па азначэнні", - дадаў ён.
Блакада Ленінграда, якую ўчынілі нацысты, стала самай бязлітаснай у гісторыі чалавецтва. За гады гэтага вельмі цяжкага для савецкіх людзей выпрабавання загінулі, паводле розных даных, ад 400 тыс. да 1,5 млн жыхароў горада. Так, на Нюрнбергскім працэсе фігуравала колькасць 632 тыс. чалавек. Толькі 3 працэнты з іх загінулі ад бамбёжак і артабстрэлаў, а астатнія 97 працэнтаў памерлі ад голаду і холаду.
Канчаткова блакада Ленінграда была знята 27 студзеня 1944 года. Увечары неба азарылася салютам у гонар вызвалення горада на Няве.
Загадам Вярхоўнага галоўнакамандуючага ад 1 мая 1945 года Ленінград атрымаў званне горада-героя за стойкасць і мужнасць, праяўленыя жыхарамі ў час блакады. 8 мая 1965 года ўказам Прэзідыума Вярхоўнага Савета СССР горад-герой Ленінград быў узнагароджаны ордэнам Леніна і медалём "Залатая Зорка".-0-
Падпісвайцеся на нас у
