ДЗЯРЖОРГАНЫДЗЯРЖОРГАНЫ
Серада, 21 красавіка 2021
Мінск Пераменная воблачнасць +9°C
Усе навіны
Усе навіны
Грамадства
04 верасня 2020, 12:51

Гістарычна ліміт рэвалюцый і ваенных разбурэнняў у Беларусі даўно вычарпаны - Даніловіч

4 верасня, Мінск /Кар. БЕЛТА/. Гістарычна ліміт рэвалюцый і ваенных разбурэнняў у Беларусі даўно вычарпаны, заявіў дырэктар Інстытута гісторыі НАН Беларусі Вячаслаў Даніловіч у час круглага стала БЕЛТА "Беларуская інтэлігенцыя ў выпрабаваннях часу".

"Гістарычна ліміт рэвалюцый і ваенных разбурэнняў у Беларусі даўно вычарпаны. Так, наша геапалітычная сітуацыя прыводзіць да такіх узрушэнняў. Але для беларусаў, якія разумеюць сваю гісторыю і ведаюць яе вопыт, важна падтрымліваць мір і спакой у грамадстве. Не паддацца ніякім знешнім уплывам тых, хто хоча распаўсюджваць свае знешнія інтарэсы, раскалоць наша грамадства. І ў гэтым сэнсе роля інтэлігенцыі як такога арыенціра ўзрастае. Але, калі мы гаворым пра дыялог, то ён павінен быць у любым грамадстве і грунтавацца на законах, якія існуюць у грамадстве. Мы не павінны выходзіць за рамкі закону. Інакш пачнецца хаос. Кожны будзе гаварыць, што хоча, але мы не пачуем адзін аднаго", - сказаў Вячаслаў Даніловіч.

Паводле яго слоў, базавыя рэчы ў любым цывілізаваным грамадстве - гэта падпарадкаванне закону і выкананне прававых норм. "І тыя змяненні, за якія многія людзі выступаюць сёння, магчыма, нават не разумеючы, чаго менавіта яны хочуць. Цяпер у нас уносяцца змяненні ў Канстытуцыю. Давайце абмяркуем варыянты, якія будуць распрацаваны. Мне здаецца, што ў кожнага будзе магчымасць выказацца, данесці свой пункт гледжання. Гэта нармальная практыка, - адзначыў дырэктар інстытута. - А дыялог на плошчы проста немагчымы. Гэта эмацыянальны ўсплёск. І ён прысутнічае ў грамадстве сёння, але на эмоцыях наогул немагчыма пабудаваць нешта станоўчае і трывалае. І ў гэтым сэнсе павінен быць дыялог, але ён павінен быць на заканадаўчай аснове, у спакойнай абстаноўцы".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі