Вадзім Гігін
18 красавіка, Мінск /Кар. БЕЛТА/. Беларускі вопыт народаўладдзя выклікае вялікую цікавасць, заявіў генеральны дырэктар Нацыянальнай бібліятэкі Беларусі, дэпутат Палаты прадстаўнікоў, старшыня праўлення грамадскага аб'яднання "Беларускае таварыства "Веды" Вадзім Гігін, перадае карэспандэнт БЕЛТА.
Сёння ў атрыуме ГЦ "Сталіца" прайшоў інфармацыйна-асветны праект "Адкрытыя веды". Тэма сустрэчы: "Усебеларускі народны сход - вышэйшы прадстаўнічы орган народаўладдзя". Навучэнская і студэнцкая моладзь, а таксама жыхары Мінска змаглі паразмаўляць з экспертамі і задаць любое пытанне.
"Галоўная палітычная падзея нашай краіны - першае пасяджэнне VII Усебеларускага народнага сходу. І павінны гаварыць пра гэта як мага больш з моладдзю, з любой іншай катэгорыяй грамадзян. Тым больш што самі людзі задаюць пытанні. Нядаўна мне перадалі зварот з прапановамі, непасрэдна адрасаваны сакратарыяту УНС, - адзначыў Вадзім Гігін. - Калі моладзь падключыцца, гэта зробіць работу Усебеларускага народнага сходу яшчэ больш эфектыўнай. Уласна кажучы, вышэйшы прадстаўнічы орган народаўладдзяі задумваўся для таго, каб прадстаўляць інтарэсы самых розных людзей. Сярод дэлегатаў моладзі шмат, як мінімум 80 дэлегатаў БРСМ. Забяспечыць пераемнасць важна".
Спікер нагадаў, што па сваім характары Усебеларускі народны сход ідзе каранямі ад старажытнаславянскага веча.
"Гісторыя важна не проста як нейкі зборнік паданняў сівой даўніны. Гісторыя - наша біяграфія, таму мы тут такія, якія ёсць. Нашы продкі ўсталёўвалі вечавыя традыцыі, народныя сходы. І ўжо на нашай памяці сабраўся Усебеларускі народны сход, - адзначыў Вадзім Гігін, дадаўшы, што беларускі вопыт народаўладдзя выклікае вялікую цікавасць. - Тое, што ў нас самабытная палітычная культура, - патрабаванне часу. Гэта тое, дзякуючы чаму дзяржава становіцца моцнай".
Спікер дадаў, што сваім шляхам ідуць вядучыя краіны свету, не арыентуючыся на чужыя палітычныя сістэмы. "І мы заўсёды так рабілі, калі быў выбраны наш Прэзідэнт Аляксандр Рыгоравіч Лукашэнка. Упэўнены, так будзем рабіць і ў будучым", - сказаў ён.
Адказваючы на пытанне з залы, ці не аслабіць УНС дзеючыя галіны ўлады, Вадзім Гігін звярнуў увагу, што Усебеларускі народны сход ніколі не разглядаўся замест Прэзідэнта, парламента. Усе паўнамоцтвы дакладна ўрэгуляваны ў Канстытуцыі. "Мы бачым УНС пляцоўкай дыялогу выканаўчай, заканадаўчай, судовай улады, грамадзянскай супольнасці. Важнейшае дасягненне сістэмы ў тым, што мы грамадзянскую супольнасць уводзім у прававое поле", - падкрэсліў Вадзім Гігін.
Таксама перад удзельнікамі праекта выступілі старшыня Пастаяннай камісіі Палаты прадстаўнікоў па заканадаўстве Марына Лянчэўская і палітычны аглядальнік тэлеканала АНТ Ігар Тур. Канцэртныя нумары прадставілі маладыя артысты. Да мерапрыемства падрыхтавалі тэматычныя фотавыставы, прысвечаныя гісторыі суверэннай Беларусі.
"Тэма Усебеларускага народнага сходу актуальна не толькі для моладзі, але і ў цэлым для нашага насельніцтва, - сказала начальнік галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава. - Фармат "Адкрытыя веды" дае магчымасць не проста задаваць пытанні, якія цікавяць, але і чуць пэўныя меркаванні з боку журналістаў, палітолагаў, экспертаў".
У сённяшняй сустрэчы прынялі ўдзел маладыя людзі практычна з усіх ВНУ - больш за 600 чалавек. У рэжыме відэаканферэнцыі да трансляцыі падключыліся 9 студый адміністрацый раёнаў сталіцы. Аляксандр Давыдоўскі выбраны дэлегатам УНС ад БРСМ. Сваёй галоўнай задачай бачыць інфармаванне моладзі, працоўных калектываў аб тых рашэннях, якія будуць абмяркоўвацца на першым пасяджэнні. "На УНС будуць прымацца стратэгічныя дакументы, якія вызначаць развіццё дзяржавы на гады наперад. На нас, дэлегатах, ляжыць адказнасць па прававой асвеце", - лічыць ён.-0-
Сёння ў атрыуме ГЦ "Сталіца" прайшоў інфармацыйна-асветны праект "Адкрытыя веды". Тэма сустрэчы: "Усебеларускі народны сход - вышэйшы прадстаўнічы орган народаўладдзя". Навучэнская і студэнцкая моладзь, а таксама жыхары Мінска змаглі паразмаўляць з экспертамі і задаць любое пытанне.
"Галоўная палітычная падзея нашай краіны - першае пасяджэнне VII Усебеларускага народнага сходу. І павінны гаварыць пра гэта як мага больш з моладдзю, з любой іншай катэгорыяй грамадзян. Тым больш што самі людзі задаюць пытанні. Нядаўна мне перадалі зварот з прапановамі, непасрэдна адрасаваны сакратарыяту УНС, - адзначыў Вадзім Гігін. - Калі моладзь падключыцца, гэта зробіць работу Усебеларускага народнага сходу яшчэ больш эфектыўнай. Уласна кажучы, вышэйшы прадстаўнічы орган народаўладдзяі задумваўся для таго, каб прадстаўляць інтарэсы самых розных людзей. Сярод дэлегатаў моладзі шмат, як мінімум 80 дэлегатаў БРСМ. Забяспечыць пераемнасць важна".
Спікер нагадаў, што па сваім характары Усебеларускі народны сход ідзе каранямі ад старажытнаславянскага веча.
"Гісторыя важна не проста як нейкі зборнік паданняў сівой даўніны. Гісторыя - наша біяграфія, таму мы тут такія, якія ёсць. Нашы продкі ўсталёўвалі вечавыя традыцыі, народныя сходы. І ўжо на нашай памяці сабраўся Усебеларускі народны сход, - адзначыў Вадзім Гігін, дадаўшы, што беларускі вопыт народаўладдзя выклікае вялікую цікавасць. - Тое, што ў нас самабытная палітычная культура, - патрабаванне часу. Гэта тое, дзякуючы чаму дзяржава становіцца моцнай".
Спікер дадаў, што сваім шляхам ідуць вядучыя краіны свету, не арыентуючыся на чужыя палітычныя сістэмы. "І мы заўсёды так рабілі, калі быў выбраны наш Прэзідэнт Аляксандр Рыгоравіч Лукашэнка. Упэўнены, так будзем рабіць і ў будучым", - сказаў ён.
Адказваючы на пытанне з залы, ці не аслабіць УНС дзеючыя галіны ўлады, Вадзім Гігін звярнуў увагу, што Усебеларускі народны сход ніколі не разглядаўся замест Прэзідэнта, парламента. Усе паўнамоцтвы дакладна ўрэгуляваны ў Канстытуцыі. "Мы бачым УНС пляцоўкай дыялогу выканаўчай, заканадаўчай, судовай улады, грамадзянскай супольнасці. Важнейшае дасягненне сістэмы ў тым, што мы грамадзянскую супольнасць уводзім у прававое поле", - падкрэсліў Вадзім Гігін.
Таксама перад удзельнікамі праекта выступілі старшыня Пастаяннай камісіі Палаты прадстаўнікоў па заканадаўстве Марына Лянчэўская і палітычны аглядальнік тэлеканала АНТ Ігар Тур. Канцэртныя нумары прадставілі маладыя артысты. Да мерапрыемства падрыхтавалі тэматычныя фотавыставы, прысвечаныя гісторыі суверэннай Беларусі.
"Тэма Усебеларускага народнага сходу актуальна не толькі для моладзі, але і ў цэлым для нашага насельніцтва, - сказала начальнік галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава. - Фармат "Адкрытыя веды" дае магчымасць не проста задаваць пытанні, якія цікавяць, але і чуць пэўныя меркаванні з боку журналістаў, палітолагаў, экспертаў".
У сённяшняй сустрэчы прынялі ўдзел маладыя людзі практычна з усіх ВНУ - больш за 600 чалавек. У рэжыме відэаканферэнцыі да трансляцыі падключыліся 9 студый адміністрацый раёнаў сталіцы. Аляксандр Давыдоўскі выбраны дэлегатам УНС ад БРСМ. Сваёй галоўнай задачай бачыць інфармаванне моладзі, працоўных калектываў аб тых рашэннях, якія будуць абмяркоўвацца на першым пасяджэнні. "На УНС будуць прымацца стратэгічныя дакументы, якія вызначаць развіццё дзяржавы на гады наперад. На нас, дэлегатах, ляжыць адказнасць па прававой асвеце", - лічыць ён.-0-
