ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск +26°C
Усе навіны
Усе навіны
Грамадства
10 снежня 2021, 15:05

"Германія, дапамажы нам!": дзеці бежанцаў у ТЛЦ выйшлі на стыхійны мітынг

10 снежня, Гродна /Кар. БЕЛТА/. Дзеці і жанчыны ў ТЛЦ зноў выйшлі на стыхійны мітынг з заклікамі да Еўропы, перадае карэспандэнт БЕЛТА.

Сёння для бежанцаў на граніцы ідзе 33-і дзень. Цяпер яны знаходзяцца ў пункце часовага размяшчэння транспартна-лагістычнага цэнтра "Брузгі". Нямала сярод іх і дзяцей. Сёння дзеці і жанчыны выйшлі на чарговы стыхійны мітынг са зваротам да Германіі і заходняга свету.

"Германія, дапамажы нам", "Не дэпартацыі", "Не вяртанню дадому" - такія плакаты дзеці трымалі ў руках. "Дапамажыце нам! Германія, дапамажы нам", - скандзіравалі яны.

Удзел у мітынгу, які пачынаўся ўнутры комплексу, а прадоўжыўся ўжо на вуліцы, прынялі некалькі дзясяткаў дзяцей і жанчын.

"Дзеці ўсё добра бачаць. Яны не разумеюць, чаму Германія іх не прымае. Дадому вяртацца многія з нас не хочуць. Там для нас проста небяспечна. Дзеці гэта адчуваюць і спрабуюць дастукацца да палітыкаў у Еўропе", - расказвае адна з бежанак. Жанчына падкрэслівае, што з-за халадоў бежанцам становіцца ўсё больш складана. Часцей хварэюць дзеці. "Калі б не дапамога Беларусі, усё было б яшчэ горш. Але сітуацыю трэба вырашаць як мага хутчэй", - гаворыць яна.

Дарэчы, сёння ў ТЛЦ прыбыла група вопытных дзіцячых псіхолагаў. Яны будуць працаваць з дзецьмі бежанцаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі