6 лютага, Мінск /Кар. БЕЛТА/. У Беларусі на належным узроўні забяспечваецца грамадская бяспека і абарона грамадзян ад злачынных замахаў. Аб гэтым заявіў генеральны пракурор Андрэй Швед на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Дакладваючы аб крымінагеннай абстаноўцы ў краіне, генеральны пракурор падкрэсліў: "На належным узроўні забяспечваецца грамадская бяспека і абарона нашых грамадзян ад злачынных замахаў. Візітнай карткай нашай краіны заўсёды былі спакой, мір на вуліцах. Гэта забяспечвалася і ў мінулым годзе. У цэлым колькасць зарэгістраваных злачынстваў засталася на ўзроўні 2021 года".
У якасці станоўчай тэндэнцыі апошняга часу Андрэй Швед звярнуў увагу на значнае змяншэнне колькасці асоб, якія загінулі ад злачынных замахаў. Разам з тым, паводле яго слоў, ёсць і такія тэндэнцыі, якія "патрабуюць увагі ў бягучым годзе".-0-
