Сцяг Субота, 25 мая 2024
Усе навіны
Усе навіны
Грамадства
21 сакавіка 2023, 15:04

Генпракурор агучыў новыя падрабязнасці страшнага сутыкнення маршруткі і МАЗа пад Смалявічамі

21 сакавіка, Мінск /Кар. БЕЛТА/. Расследаванне трагічнага ДТЗ з удзелам маршруткі і МАЗа ў Смалявіцкім раёне 20 лютага выявіла комплекс праблем у сферы дарожнай бяспекі. Аб гэтым расказаў журналістам генеральны пракурор Беларусі Андрэй Швед па выніках нарады ў кіраўніка дзяржавы па пытаннях дзейнасці органаў сілавога блока, перадае карэспандэнт БЕЛТА.

Адной з тэм нарады стала дарожная бяспека. У сувязі з гэтым генпракурор згадаў аб аварыі з удзелам маршруткі і гружанага МАЗа, якая адбылася 20 лютага паблізу Смалявіч. У выніку лабавога сутыкнення тады загінулі 11 чалавек, яшчэ 9 пацыентаў у вельмі цяжкім стане былі шпіталізаваны ў бальніцы. Пазней двое з іх памерлі. Сярод загінулых былі і дзеці. На месцы ДТЗ працавалі следчыя абласнога ўпраўлення і цэнтральнага апарату СК з прыцягненнем спецыялістаў ДКСЭ і супрацоўнікаў ДАІ. Узбуджана крымінальная справа па ч.3 арт.317 (парушэнне правіл дарожнага руху, што прывяло па неасцярожнасці да смерці дзвюх і больш асоб) КК.

"За ўсімі гэтымі трагічнымі абставінамі стаіць комплекс праблем. Той жа аўтамабіль МАЗ два гады не праходзіў тэхагляд. Выявіліся сур'ёзныя праблемы ў бяспецы перавозак пасажыраў: у гэтым маршрутным таксі, дзе 15 пасадачных месцаў, ехалі 19 чалавек, гэта значыць у пагоні за нажывай перавозчык проста напхаў туды людзей. Бачыце, сукупнасць фактараў. Адно чапляецца за другое. Мы цяпер праверылі: у службе Мінаблтранса больш за 100 грузавікоў ездзяць без тэхагляду. Кожны з іх - гэта небяспека на дарозе. І гэта толькі ў адным прадпрыемстве", - заўважыў Андрэй Швед.

Паводле яго слоў, па ўсёй краіне цяпер праводзіцца татальная праверка, па даручэнні кіраўніка дзяржавы наводзіцца парадак у гэтай сферы.

"Далей. У гэтым злашчасным маршрутным таксі ехалі школьнікі. Чаму яны ў ім ехалі: таму што зламаўся школьны аўтобус, а органы мясцовай улады не забяспечылі аператыўную замену. Дзеці былі вымушаны ездзіць у маршрутным таксі. У выніку два дзіцяці загінулі, два - атрымалі цялесныя пашкоджанні. Вядома, гэта вельмі сумна. Такі прыклад паказвае, што прызабылі, самазаспакоіліся, адышлі ад таго, што няма дробязей. Кожны павінен на сваім месцы забяспечваць рэалізацыю тых задач, якія на яго ўскладзены", - падкрэсліў генеральны пракурор.-0-

Падпісвайцеся на нас у
Twitter
Топ-навіны
Свежыя навіны Беларусі