Мабільная версія
ДЗЯРЖОРГАНЫ

Апошнія навіны
Усе навіны

Генпракуратура прапануе ўвесці адміністрацыйную адказнасць для юрасоб за дачу хабару

Грамадства 16.05.2019 | 10:30
Фота з архіва
Фота з архіва

16 мая, Мінск /Кар. БЕЛТА/. Генеральная пракуратура падрыхтавала і ўнесла на разгляд Прэзідэнту праект закона "Аб змяненні законаў па пытаннях барацьбы з карупцыяй". Адна з прапаноў датычыцца ўвядзення адказнасці для юрыдычных асоб за дачу хабару. Аб гэтым паведаміў у інтэрв'ю газеце "СБ. Беларусь сегодня" начальнік упраўлення па барацьбе з карупцыяй і арганізаванай злачыннасцю Генпракуратуры Ігар Грэйба.

Такая практыка ўжо даўно існуе ў Еўрасаюзе, Расіі. Калі подкуп учыняецца ад імя або ў інтарэсах юрыдычнай асобы, напрыклад, каб выйграць тэндар, гэту арганізацыю, як прадугледжваецца, будзе чакаць адміністрацыйная адказнасць са штрафам. Гэта значыць спачатку суд устанаўлівае факт дачы хабару або подкупу ў інтарэсах юрыдычнай асобы. Пасля таго як прыгавор уступіць у сілу, хабарадавальнік і хабарнік адправяцца адбываць пакаранне, а на юрасобу пракурор складзе пратакол аб адміністрацыйным правапарушэнні. Рашэнне па разглядзе будзе выносіць эканамічны суд.

"Мы прапануем устанавіць санкцыі за такое парушэнне ў памеры да 200 працэнтаў ад сумы незаконна перададзенага ўзнагароджання", - адзначыў Ігар Грэйба. Пры гэтым сума штрафу не можа быць меншай за 50 БВ.

Прадугледжана магчымасць вызвалення юрыдычныя асобы ад адказнасці, калі ў працэсе судовага разбору будзе даказана, што хабар у яе вымагалі. "Ацэньваючы абставіны карупцыйных злачынстваў, мы бачым, што шмат злачынстваў учыняецца менавіта ў інтарэсах юрыдычных асоб, асабліва закупкі. Гэты механізм будзе стрымальным фактарам", - сказаў начальнік упраўлення.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Нарыхтоўка ягад, грыбоў і плодаагародніннай прадукцыі ў насельніцтва За 9 месяцаў 2019 года арганізацыямі спажывецкай кааперацыі закуплена сельгаспрадукцыі і сыравіны на суму Br258 млн (у тым ліку насельніцтву выплачана за здадзеную прадукцыю і сыравіну Br157 млн).