Мабільная версія
ДЗЯРЖОРГАНЫ
Апошнія навіны
Усе навіны

Генетычнае аздараўленне мікрапапуляцыі зубра правядуць у заказніку "Налібоцкі"

Грамадства 09.11.2018 | 14:48

9 лістапада, Мінск /Кар. БЕЛТА/. У рэспубліканскім ландшафтным заказніку "Налібоцкі" плануецца генетычнае аздараўленне мікрапапуляцыі еўрапейскага зубра. Гэта стане часткай рэалізацыі праекта "Ветландс", які фінансуецца Глабальным экалагічным фондам і рэалізуецца Праграмай развіцця ААН у Беларусі сумесна з Міністэрствам прыродных рэсурсаў і аховы навакольнага асяроддзя, паведамілі БЕЛТА ў прэс-службе ПРААН у Беларусі.

У заказніку праведзены рэтраспектыўны аналіз фарміравання налібоцкай мікрапапуляцыі, ацэнена шматгадовая дынаміка колькасці і ўзнаўлення, выкананы комплекс палявых навуковых даследаванняў па ацэнцы зімова-вясенняга і летне-асенняга прасторавага размеркавання зуброў па тэрыторыі, у тым ліку ролі кармавых палёў і сельскагаспадарчых угоддзяў. "У далейшым праектам плануецца распрацоўка і рэалізацыя праграмы па абмене асобінамі паміж мікрапапуляцыямі еўрапейскага зубра ў спробе паляпшэння генетычнага статусу налібоцкай мікрапапуляцыі. На аснове малекулярна-генетычных даследаванняў будзе праведзена індывідуальная ідэнтыфікацыя некалькіх асобін (пашпартызацыя), якія адлюстроўваюць генетычную разнастайнасць і патэнцыял налібоцкай мікрапапуляцыі. Каб сабраць пробы біяматэрыялу, плануецца пабудаваць не менш як 5 жывапастак для зуброў", - расказалі ў прэс-службе.

Атрыманыя вынікі стануць асновай для генетычнага аздараўлення налібоцкай мікрапапуляцыі. Канчатковая мэта гэтых мерапрыемстваў - стварыць умовы для доўгачасовага захавання папуляцыі еўрапейскага зубра ў Беларусі.

"У выпадку поспеху гэтыя інавацыйныя падыходы могуць стаць доўгатэрміновымі ў барацьбе з пагрозай фрагментацыі асяроддзя пражывання і ў забеспячэнні стабільнасці папуляцый глабальна значных відаў", - дадалі ў прэс-службе.

Дзякуючы праекту, у заказніку "Налібоцкі" для сімвала Беларусі ствараюцца мазаічныя лугавыя кармавыя ўгоддзі сярод скрозь лясных масіваў. Для іх падтрымання праектам была закуплена і перададзена адміністрацыі заказніка спецыяльная тэхніка (лесагаспадарчы мульчар і энерганасычаны трактар). Для аднаўлення прыродных кармавых угоддзяў у поймах рэк і на дэградзіраванай меліярацыйнай сістэме ва ўрочышчы Цякава прыбраны кусты і аптымізаваны гідралагічны рэжым.

За 2018 год у заказніку адноўлена 146 га лугавых угоддзяў, куды пачалі ўжо выходзіць зубры. Усяго за 5 гадоў рэалізацыі праекта "Ветландс" плануецца аднавіць 490 га такіх угоддзяў. Гэта дасць магчымасць пазбягаць канфліктаў з мясцовымі сельгасарганізацыямі і насельніцтвам, што ўзнікаюць з-за ўрону, які наносяць зубры, выходзячы на ўчасткі, якія апрацоўваюцца.

Акрамя таго, з дапамогай праекта быў палепшаны турыстычны патэнцыял заказніка, куды штогод прыязджаюць мноства беларускіх і замежных турыстаў для назірання за зубром у дзікай прыродзе.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.