16 снежня, Гродна /Кар. БЕЛТА/. Бежанцам у ТЛЦ выдадзена больш за 160 т гуманітарнай дапамогі, у тым ліку прадуктаў і цёплых рэчаў. Аб гэтым сёння журналістам паведаміў член Савета Рэспублікі Ігар Гедзіч, перадае карэспандэнт БЕЛТА.
Сёння ідзе 39-ы дзень для бежанцаў на граніцы. Цяпер яны знаходзяцца ў пункце размяшчэння ў транспартна-лагістычным цэнтры "Брузгі" недалёка ад беларуска-польскай граніцы. У пункце размяшчэння бежанцаў у ТЛЦ каля граніцы знаходзяцца каля 800 чалавек, з якіх амаль 40 працэнтаў - жанчыны і дзеці.
"Атмасфера тут на працягу ўжо многіх дзён рабочая. Усе службы, якія забяспечваюць ахову, бяспеку, харчаванне людзей, працуюць у штатным рэжыме. Штодзень над забеспячэннем людзей працуюць каля 50 чалавек у рэжыме 24/7", - адзначыў Ігар Гедзіч. Ён падкрэсліў, што прадаўжаецца выдача людзям гарачага харчавання, прадуктовых набораў, неабходных рэчаў.
"Цяпер кропкава выконваем пажаданні бежанцаў, якія звяртаюцца да Чырвонага Крыжа. Учора, напрыклад, выдавалі адрасна цёплы абутак, пустышкі для дзяцей. Усяго за ўвесь час бежанцам раздадзена каля 162 т гуманітарнай дапамогі. Гэта не толькі прадукты харчавання, але і амаль 5 тыс. коўдраў, амаль 2 тыс. пар абутку і іншыя неабходныя рэчы", - расказаў Ігар Гедзіч.
Арганізавана кругласутачнае дзяжурства медыкаў. За суткі за кансультацыйнай дапамогай звярнуліся каля 80 бежанцаў. Цяпер у медустановах знаходзяцца 5 дзяцей і 7 дарослых.
Прадаўжае работу і палявая лазня. Сёння ў ёй жаночы і дзіцячы дзень. Усё неабходнае для мыцця для бежанцаў ёсць у наяўнасці.
Учора ў лагеры працавала місія міжнароднай арганізацыі па міграцыі. Паводле слоў яе прадстаўнікоў, каля 120 чалавек з ліку бежанцаў выказалі жаданне вярнуцца на радзіму.-0-
