ДЗЯРЖОРГАНЫДЗЯРЖОРГАНЫ
Чацвер, 23 студзеня 2020
Мінск Пераменная воблачнасць -1°C
Усе навіны
Усе навіны
Грамадства
14 студзеня 2020, 16:13

Геаграфія ўдзельнікаў дабрачыннай акцыі "Нашы дзеці" пашыраецца

Эдуард Тамільчык. Фота з архіва
Эдуард Тамільчык. Фота з архіва

14 студзеня, Мінск /Кар. БЕЛТА/. Геаграфія ўдзельнікаў рэспубліканскай навагодняй дабрачыннай акцыі "Нашы дзеці" пашыраецца, паведаміў журналістам начальнік галоўнага ўпраўлення выхаваўчай работы і маладзёжнай палітыкі Міністэрства адукацыі Эдуард Тамільчык, перадае карэспандэнт БЕЛТА.

"Пашыраны міжнародны аспект акцыі. Так, сёлета на ёлкі з удзелам кіраўніка дзяржавы, на ёлкі ў Палац Незалежнасці былі запрошаны дзеці не толькі з Літвы і Латвіі, як мы рабілі гэта ў мінулым годзе, але і з Расіі, Польшчы і Украіны", - расказаў Эдуард Тамільчык.

Як адзначыла кансультант галоўнага ўпраўлення выхаваўчай работы і маладзёжнай палітыкі Міністэрства адукацыі Ларыса Емяльянчык, у бягучым годзе акцыя мела некаторыя асаблівасці. Упершыню па ўсёй краіне ў адзін дзень - 9 снежня - быў дадзены яе старт. Упершыню ў рэгіёнах былі праведзены навагоднія балі для студэнцкай і вучнёўскай моладзі. Яны атрымалі станоўчы водгук. "Дзецям, аказваецца, вельмі падабаецца танцаваць паланэз, вальс. Таму, безумоўна, такая практыка правядзення навагодніх баляў у рэгіёнах захаваецца. Па-трэцяе, я адзначыла б работу СМІ, якія ў гэтым годзе як ніколі шырока асвятлялі ўсе мерапрыемствы дабрачыннай акцыі", - сказала яна.

Яшчэ адной асаблівасцю акцыі стаў актыўны ўдзел не толькі грамадскіх арганізацый, але і валанцёраў. "Яны дапамагалі арганізоўваць мерапрыемствы, самі былі непасрэднымі іх удзельнікамі: наведвалі дзіцячыя дамы, дамы для састарэлых, інвалідаў, арганізоўвалі канцэрты, прыцягвалі вучняў школ. Дзеці ахвотна віншавалі ветэранаў, прымалі ўдзел у дабрачынных праграмах. Гэта вельмі важны аспект сумеснай нашай выхаваўчай работы", - падкрэсліла кансультант галоўнага ўпраўлення. У час акцыі не засталіся без увагі пажылыя людзі, якія знаходзяцца ў дамах часовага ўтрымання пры тэрытарыяльных цэнтрах сацыяльнага абслугоўвання насельніцтва.

Навагодняя дабрачынная акцыя "Нашы дзеці" стартавала 9 снежня 2019 года і завяршылася 10 студзеня. Кіраўнікі рэспубліканскіх органаў дзяржкіравання, мясцовых выканаўчых і распарадчых органаў наведвалі дзіцячыя інтэрнатныя ўстановы, апякунскія і прыёмныя сем'і, дзіцячыя бальніцы, аказвалі ім дапамогу ў вырашэнні існуючых праблем, уручалі падарункі. Многія традыцыйныя мерапрыемствы акцыі былі напоўнены новым гучаннем. "Мы ўжо думаем, як арганізаваць на яшчэ больш высокім узроўні правядзенне такіх мерапрыемстваў у наступным годзе, думаем, чым здзівіць і парадаваць нашых дзяцей", - дадала Ларыса Емяльянчык.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі