12 красавіка, Мінск /Кар. БЕЛТА/. Камітэт дзяржаўнага кантролю з 13 па 16 красавіка ва ўсіх абласцях Беларусі і Мінску правядзе гарачыя лініі на тэму якасці паслуг РУП "Белтэлекам" і яго філіялаў, паведамляе БЕЛТА са спасылкай на Telegram-канал КДК.
Жыхары рэспублікі могуць паведаміць (у тым ліку ананімна) не толькі пра якасць паслуг насельніцтву і суб'ектам гаспадарання, але і аб своечасовасці рэагавання на звароты, а таксама выказаць крытычныя заўвагі і канструктыўныя прапановы па ўдасканаленні работы. Камітэт дзяржкантролю прапануе супрацоўнікам "Белтэлекама" і яго структурных падраздзяленняў таксама выказаць сваё меркаванне аб недахопах у дзейнасці арганізацый і мерах па яе ўдасканаленні.
Гарачая лінія 13 красавіка будзе працаваць у трох рэгіёнах. У Магілёўскай вобласці яна арганізавана з 10.00 да 13.00 па тэл. 8(0222) 62-60-58 - у Магілёве, 8(0225) 76-50-57 - Бабруйску, 8(02241) 64-730 - Крычаве; Гродзенскай вобласці - з 9.00 да 13.00 і з 14.00 да 17.00 па тэл. 8(0152) 79-88-26 і 8(0152) 79-88-28; Мінскай - з 9.00 да 13.00 і з 14.00 да 17.00 па тэл. 8(017) 374-07-06.
У Віцебскай вобласці званкі будуць прымацца 14 красавіка з 9.00 да 17.00 па тэл. 8(0212) 37-61-76 і 8(0212) 37-50-41.
На 15 красавіка правядзенне гарачай лініі запланавана ў двух рэгіёнах: у Гомельскай вобласці - з 10.00 да 11.00 па тэл. 8(0232) 23-83-91 і 8(0232) 23-83-68; Брэсцкай - з 9.00 да 13.00 і з 14.00 да 18.00 па тэл. 8(0162) 21-25-08 і 8(0162) 21-18-25.
Жыхары Мінска і рэгіёнаў рэспублікі могуць звярнуцца на гарачую лінію Камітэта дзяржаўнага кантролю, якая адбудзецца 16 красавіка з 14.00 да 16.00 па тэл. 8 (017) 328-69-40.
Дзяржкантралёры прааналізуюць усю паступіўшую інфармацыю ў ходзе выбарачнай праверкі дзейнасці РУП "Белтэлекам" і яго філіялаў (праводзіцца з сакавіка бягучага года).-0-
