4 кастрычніка, Мінск /Кар. БЕЛТА/. У Мінскай вобласці працуе гарачая лінія па пытаннях пераводу вучняў з устаноў прыватнай формы ўласнасці ў дзяржаўныя ўстановы агульнай сярэдняй і дашкольнай адукацыі, паведамляе БЕЛТА са спасылкай на галоўнае ўпраўленне па адукацыі Мінскага аблвыканкама.
Гарачая лінія працуе па тэлефоне +375 (17) 500 42 42. Звярнуцца можна з 14.00 да 16.00.
У Мінску працуе аналагічная гарачая лінія. Патэлефанаваць можна па нумары +375 (17) 380 42 59 з панядзелка па пятніцу з 14.00 да 16.00.
Як паведаміў раней карэспандэнту БЕЛТА намеснік міністра адукацыі Аляксандр Кадлубай, з 1 верасня ўступіла ў сілу новая рэдакцыя Кодэкса аб адукацыі, прыватныя ўстановы адукацыі не выканалі нормы гэтага дакумента. "Для нас самым важным з'яўляюцца бяспечныя ўмовы знаходжання дзяцей ва ўстановах адукацыі. Большасць прыватных школ не атрымала сертыфікаты гатоўнасці да новага навучальнага года, якія пацвердзілі б гэту бяспеку. У адпаведнасці з гэтым мы праводзім з бацькамі работу па пераводзе іх дзяцей у дзяржаўныя ўстановы адукацыі", - адзначыў ён.-0-
