ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Грамадства
31 мая 2022, 19:21

Гара - піянерам: упэўнены, вы будзеце любіць Радзіму і будзеце адданыя ёй

Фота СК
Фота СК

31 мая, Мінск /Кар. БЕЛТА/. Супрацоўнікі Цэнтральнага апарату Следчага камітэта на чале са старшынёй Дзмітрыем Гарой наведалі мемарыяльны комплекс піянера-партызана Марата Казея ў вёсцы Станькава Дзяржынскага раёна. Аб гэтым БЕЛТА паведамілі ў СК.

У комплексе адбыўся мітынг-рэквіем пры ўдзеле кіраўніка раёна Максіма Лысенкі, піянерскай арганізацыі і школьнікаў. Прысутныя ўшанавалі памяць героя і правялі ўрачыстую цырымонію ўскладання кветак да абеліска. У асаблівай атмасферы таксама сёння адбылася ўрачыстая цырымонія прыняцця дзяцей у піянеры. Старшыня Следчага камітэта разам з кіраўніком райвыканкама павязалі школьнікам гальштукі.

Звяртаючыся да наваспечаных піянераў, Дзмітрый Гара павіншаваў падрастаючае пакаленне з заканчэннем навучальнага года, а таксама адзначыў важнасць мерапрыемства. "Вельмі прыемна, што мы ўсе сёння сабраліся ў такім знакавым для беларусаў месцы, і не проста так, а прыняць у піянеры і павязаць гальштукі нашым лепшым дзецям, нашай будучыні. Упэўнены, што вы будзеце любіць сваю Радзіму і будзеце адданыя ёй", - дадаў старшыня СК.

Падчас візіту ў вёску Станькава дэлегацыя прыняла ўдзел у пасадцы дрэў на алеі памяці "Героі Дзяржыншчыны" ў Станькаўскай сярэдняй школы імя Марата Казея.

Асаблівым пунктам маршруту для следчых стаў дзіцячы прытулак Дзяржынскага раённага сацыяльна-педагагічнага цэнтра. Следчыя ў цёплай нефармальнай абстаноўцы пагутарылі з выхаванцамі, з задавальненнем паглядзелі падрыхтаваную канцэртную праграму. У канцы мерапрыемства кіраўнік ведамства ўручыў дзецям падарункі. Дзеці ў адказ падарылі свае малюнкі. Акрамя таго, у ходзе дабрачыннай акцыі, прымеркаванай да Міжнароднага дня абароны дзяцей, супрацоўнікі Цэнтральнага апарату СК перадалі цэнтру неабходнае офіснае абсталяванне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі