Раман Галоўчанка. Фота з архіва
2 снежня, Мінск /Кар. БЕЛТА/. Прэм'ер-міністр Раман Галоўчанка ў эфіры Першага інфармацыйнага тэлеканала растлумачыў, чаму ў Беларусі вырашылі не рабіць 3 студзеня выхадным днём, паведамляе БЕЛТА.
"Я гэта нейкай праблемай наогул не лічу. Усё ж такі тыдзень - практычна поўнае расхалоджванне або замарозка эканомікі. Мы цяпер не ў тых умовах, каб дазволіць сабе такія доўгія канікулы. Але кожнае прадпрыемства мае права прыняць рашэнне, якое больш падыходзіць для вытворчых мэт. Калі прадпрыемства працуе, напрыклад, у гарачым рытме, яму трэба спачатку спыніць, а потым на адзін дзень запусціць абсталяванне. Напэўна, гэта не вельмі эканамічна эфектыўна. Але для бюджэтнай сферы мы не можам зрабіць такі перапынак", - сказаў Раман Галоўчанка.
Прэм'ер-міністр растлумачыў, што першыя чыслы студзеня - "так званыя заключныя абароты бюджэту". "Там наогул ледзь не кругласутачна людзі працуюць, таму што трэба правесці ўсё тыя ж плацяжы, якія за кошт бюджэтных сродкаў аплачваюцца, закрыць, што называецца, пытанне. Гэта шмат работы, - адзначыў Раман Галоўчанка. - Зноў жа, з пункту гледжання выканання графіка працы і адпачынку, не вельмі здорава, калі ты спачатку тыдзень адпачываеш, а потым працуеш два тыдні запар з адным выхадным".
Паводле слоў прэм'ер-міністра, для эканомікі прынялі самае збалансаванае і аптымальнае рашэнне.
Як паведамлялася, у адпаведнасці з пастановай урада ад 14 лістапада 2024 года нумар 839, зацверджаны пераносы рабочых дзён на наступны год. Рабочы дзень з 6 студзеня (панядзелак) будзе перанесены на 11 студзеня (субота). Гэта значыць, што ў беларусаў будуць чатыры выхадныя дні запар - з 4 па 7 студзеня.
Нерабочымі днямі ў студзені 2025 года стануць: 1 і 2 студзеня - Новы год, 7 студзеня - Раство Хрыстова (праваслаўнае Раство).-0-
"Я гэта нейкай праблемай наогул не лічу. Усё ж такі тыдзень - практычна поўнае расхалоджванне або замарозка эканомікі. Мы цяпер не ў тых умовах, каб дазволіць сабе такія доўгія канікулы. Але кожнае прадпрыемства мае права прыняць рашэнне, якое больш падыходзіць для вытворчых мэт. Калі прадпрыемства працуе, напрыклад, у гарачым рытме, яму трэба спачатку спыніць, а потым на адзін дзень запусціць абсталяванне. Напэўна, гэта не вельмі эканамічна эфектыўна. Але для бюджэтнай сферы мы не можам зрабіць такі перапынак", - сказаў Раман Галоўчанка.
Прэм'ер-міністр растлумачыў, што першыя чыслы студзеня - "так званыя заключныя абароты бюджэту". "Там наогул ледзь не кругласутачна людзі працуюць, таму што трэба правесці ўсё тыя ж плацяжы, якія за кошт бюджэтных сродкаў аплачваюцца, закрыць, што называецца, пытанне. Гэта шмат работы, - адзначыў Раман Галоўчанка. - Зноў жа, з пункту гледжання выканання графіка працы і адпачынку, не вельмі здорава, калі ты спачатку тыдзень адпачываеш, а потым працуеш два тыдні запар з адным выхадным".
Паводле слоў прэм'ер-міністра, для эканомікі прынялі самае збалансаванае і аптымальнае рашэнне.
Як паведамлялася, у адпаведнасці з пастановай урада ад 14 лістапада 2024 года нумар 839, зацверджаны пераносы рабочых дзён на наступны год. Рабочы дзень з 6 студзеня (панядзелак) будзе перанесены на 11 студзеня (субота). Гэта значыць, што ў беларусаў будуць чатыры выхадныя дні запар - з 4 па 7 студзеня.
Нерабочымі днямі ў студзені 2025 года стануць: 1 і 2 студзеня - Новы год, 7 студзеня - Раство Хрыстова (праваслаўнае Раство).-0-
Падпісвайцеся на нас у
