20 чэрвеня, Мінск /Кар. БЕЛТА/. Беларусь гатова дзяліцца лепшымі кампетэнцыямі і пастаўляць тэхніку ў Каралеўства Эсваціні. Аб гэтым заявіў прэм'ер-міністр Беларусі Раман Галоўчанка на сустрэчы з прэм'ер-міністрам Каралеўства Эсваціні Раселам Мміса Дламіні, паведамляе карэспандэнт БЕЛТА.
Беларусь - гэта індустрыяльна развітая дзяржава, адзначыў Раман Галоўчанка. "Прамысловасць складае значную частку нашага валавога ўнутранага прадукту і нашага экспартнага патэнцыялу. Прадукцыя беларускага машынабудавання добра прадстаўлена ў такіх афрыканскіх краінах, як ПАР, Егіпет, Алжыр, Марока, Нігерыя, а асабліва ў Зімбабвэ, з якой у нас рэалізуюцца шматлікія праграмы па механізацыі сельскай гаспадаркі. У нас ёсць сумесная беларуска-зімбабвійская праграма па механізацыі сельскай гаспадаркі гэтай краіны. Дзве фазы ўжо рэалізаваны. Цяпер мы пачалі трэцюю фазу. І ў выніку гэтай работы ўпершыню за 50 гадоў Зімбабвэ ў 2022 годзе забяспечыла сябе поўнасцю ўраджаем збожжа", - расказаў аб паспяховым прыкладзе супрацоўніцтва прэм'ер-міністр Беларусі.
Раман Галоўчанка растлумачыў, што Беларусь таксама зацікаўлена ў
вывядзенні двухбаковых адносін з Каралеўствам Эсваціні, у першую чаргу ў
гандлёва-эканамічнай сферы, на стабільныя рэйкі, у выніку чаго абедзве
краіны маглі б атрымаць перавагі.
"Рэспубліка Беларусь мае, акрамя прамысловасці, развітую сельскую гаспадарку. Мы не толькі забяспечваем сябе практычна на 100 працэнтаў усімі відамі харчовай прадукцыі, але і экспартуем яе на суму каля $8 млрд", - сказаў кіраўнік беларускага ўрада.-0-
Фота Паўла Арлоўскага
Падпісвайцеся на нас у
