ДЗЯРЖОРГАНЫДЗЯРЖОРГАНЫ
Аўторак, 13 красавіка 2021
Мінск Пераменная воблачнасць +16°C
Усе навіны
Усе навіны
Грамадства
26 лютага 2021, 16:43

ФПБ пачынае штотыднёвы маніторынг цэн на прадукты і лякарствы першай неабходнасці

Фота з архіва
Фота з архіва

26 лютага, Мінск /Кар. БЕЛТА/. Федэрацыя прафсаюзаў Беларусі пачынае праводзіць штотыднёвы маніторынг наяўнасці і кошту прадуктаў і лякарстваў першай неабходнасці. Аб гэтым БЕЛТА паведамілі ў прэс-службе ФПБ.

Прафсаюзы на пастаяннай аснове штомесяц аналізуюць цэны на сацыяльна значныя тавары. У сувязі з прыняццем урадам пастановы "Аб часовых мерах па стабілізацыі цэн на сацыяльна значныя тавары першай неабходнасці" з сённяшняга дня маніторынг цэнавай сітуацыі на спажывецкім рынку будзе праводзіцца штотыднёва.

У ФПБ нагадалі, пытанне аб неабходнасці ўвядзення абмежавальных мер на рост цэн прафсаюзы ўздымалі з пачатку бягучага года. Паколькі аналіз цэнавай сітуацыі выявіў даволі істотнае павышэнне кошту шэрага тавараў. У выніку ўрадам была прынята пастанова, у адпаведнасці з якой з 1 сакавіка рост цэн на прадукты і лякарствы першай неабходнасці не павінен перавышаць 0,2 працэнта ў месяц. Павышэнне цэн вышэй за ўстаноўленую планку магчыма будзе толькі пры наяўнасці аб'ектыўных прычын і па ўзгадненні спецыяльнай камісіяй пры Савеце Міністраў.

"У пералік тавараў, прапісаны ў гэтым дакуменце, уключаны прадукты, якія людзям патрэбны практычна кожны дзень, а таксама найбольш запатрабаваныя лякарствы. Яны павінны быць даступныя для ўсіх. Таму ў кожным раёне вызначаны спіс магазінаў і аптэк, у якіх прадстаўнікі прафсаюзаў раз на тыдзень будуць правяраць фактычную наяўнасць, асартымент і запасы гэтых прадуктаў і медыкаментаў, - падкрэслілі ў Федэрацыі прафсаюзаў. - Таксама будзе праводзіцца штотыднёвы параўнальны аналіз цэн па кожнай пазіцыі з гэтай групы тавараў. У выпадку выяўлення асобных або сістэмных праблемных сітуацый, гэтыя пытанні будуць аператыўна накіроўвацца для рэагавання і вырашэння ў адпаведныя ведамствы".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі