ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -7°C
Усе навіны
Усе навіны
Грамадства
08 снежня 2022, 09:18

Форум ВНУ інжынерна-тэхналагічнага профілю СД пройдзе 12-16 снежня

Фота з архіва
Фота з архіва

8 снежня, Мінск /Кар. БЕЛТА/. Пры падтрымцы Пастаяннага камітэта Саюзнай дзяржавы, Міністэрства адукацыі Беларусі, Міністэрства навукі і вышэйшай адукацыі Расіі на базе Беларускага нацыянальнага тэхнічнага ўніверсітэта пройдзе з 12 па 16 снежня ХІ Форум ВНУ інжынерна-тэхналагічнага профілю Саюзнай дзяржавы. Аб гэтым БЕЛТА паведамілі арганізатары.

У форуме прымуць удзел установы вышэйшай адукацыі Беларусі і прадстаўнікі ВНУ Расіі. Асноўнымі яго мэтамі з'яўляюцца папулярызацыя інжынернай адукацыі, прыцягненне моладзі ў сферу навукі, стварэнне платформы паміж вышэйшымі навучальнымі ўстановамі для рэалізацыі асноўных напрамкаў беларуска-расійскага інтэграцыйнага супрацоўніцтва па прыярытэтных напрамках развіцця навукі і тэхнікі і падтрымцы таленавітай моладзі.

На форуме будуць закрануты пытанні далейшага фарміравання і ўмацавання іміджу Саюзнай дзяржавы сярод навучэнскай моладзі, стварэння ўмоў для развіцця маладзёжнага інавацыйнага прадпрымальніцтва на саюзнай прасторы. Удзельнікі змогуць абмяняцца вопытам паміж універсітэтамі па развіцці інжынернай адукацыі ва ўмовах трансфармацыі эканомікі, а таксама ўмацаваць культурныя сувязі.

Будуць арганізаваны 4 секцыі - "Тэхналагічная інтэграцыя ў машынабудаванні", "Тэхналагічная адукацыя ў горнай справе, будаўніцтве, энергетыцы і транспартнай дзейнасці", "Новая парадыгма тэхналагічнай адукацыі ў эканоміцы ХХІ стагоддзя", "Маладзёжнае інавацыйнае прадпрымальніцтва".

Пленарнае пасяджэнне форуму адбудзецца 13 снежня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі