Мабільная версія
ДЗЯРЖОРГАНЫ

Апошнія навіны
Усе навіны

Фонд абароны правоў турыстаў можа з'явіцца ў Беларусі да 2018 года

Грамадства 27.09.2017 | 15:26
Міхаіл Партной
Міхаіл Партной

27 верасня, Мінск /Кар. БЕЛТА/. Фонд абароны правоў турыстаў можа з'явіцца ў Беларусі да 2018 года. Аб гэтым паведаміў сёння журналістам намеснік міністра спорту і турызму Міхаіл Партной, адказваючы на пытанне карэспандэнта БЕЛТА.

Міхаіл Партной лічыць мэтазгодным стварэнне фонду абароны правоў турыстаў. "Сёння ў сувязі з лібералізацыяй турыстычнай галіны любы чалавек можа займацца гэтым бізнесам. Былі выпадкі, калі прадпрыемствы ствараліся з выкарыстаннем крэдытаў, па якіх іх заснавальнікі не маглі разлічыцца. У выніку турысты не маглі вярнуць грошы за неаказаную паслугу. Цяпер у Расіі гэта немагчыма, у законе аб турызме прапісаны гарантыі. Раней там многія фірмы абанкруціліся, людзі не ведалі, што рабіць. У Турцыі ўведзена строгае ліцэнзаванне. Тураператару даецца часовая ліцэнзія на тры гады. Пасля гэтага даецца ліцэнзія пастаянная. У нас гэтага не хапае", - растлумачыў ён.

На пытанне, калі чакаецца стварэнне фонду, Міхаіл Партной адказаў: "Я ўпэўнены, што да новага года гэта будзе зроблена. Ініцыятыва павінна ісці ад грамадскіх аб'яднанняў у сферы турызму. Трэба будзе вызначыцца з механізмам работы фонду, цяпер працуем над гэтым".

Міхаіл Партной прыняў удзел у адкрыцці 24-й міжнароднай выстаўкі "Турбізнес-2017", якая праходзіць у Мінску па 29 верасня. Тэматыка экспазіцыі - уязны і выязны, спартыўны і прыгодніцкі, рэкрэацыйны, медыцынскі, сямейны і дзіцячы, паляўнічы турызм. На выстаўцы дэманструюць спартыўнае і турыстычнае адзенне, рыштунак і абсталяванне, картаграфічную і сувенірную прадукцыю. Прадстаўлены тураператары і турагенты, транспартныя кампаніі. Праграма прадугледжвае прэзентацыі, круглыя сталы, семінары па актуальных праблемах галіны.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў