Мабільная версія
ДЗЯРЖОРГАНЫ
Апошнія навіны
Усе навіны

Фігуранты справы аб гібелі Коржыча пакуль адмовіліся даваць паказанні

Грамадства 09.08.2018 | 13:56
Будынак суда Маскоўскага раёна
Будынак суда Маскоўскага раёна

9 жніўня, Мінск /Кар. БЕЛТА/. Фігуранты справы аб гібелі радавога Аляксандра Коржыча на цяперашняй стадыі судовага разбору адмовіліся ад дачы паказанняў, перадае карэспандэнт БЕЛТА з залы суда.

Абвінавачанымі па справе праходзяць сяржант Яўген Бараноўскі, ён абвінавачваецца ва ўчыненні злачынстваў па ч.1,2 арт. 430 КК (атрыманне хабару і паўторнае атрыманне хабару) і ч. 3 арт. 455 КК (перавышэнне ўлады, што прывяло да цяжкіх наступстваў), па ч.1 арт. 205 КК (крадзеж). Па справе таксама праходзяць сяржант Антон Вяжэвіч (ч. 1,2 арт. 430, ч. 3 арт. 455 КК) і малодшы сяржант Ягор Скуратовіч (ч. 1,2 арт. 430, ч. 3 арт. 455 КК).

Спачатку ў судзе дапытаюць пацярпелых і сведак, вывучаць пісьмовыя матэрыялы справы, пасля гэтага пяройдуць да допыту абвінавачаных асоб.

У першы дзень судовага разбору, 8 жніўня, дзяржабвінаваўца зачытаў абвінавачанне тром фігурантам справы. Абвінавачаныя, як падкрэсліў на працэсе пракурор, учынялі проціпраўныя дзеянні ў адносінах да падначаленых, у тым ліку Коржыча. Сістэматычна жорстка абыходзіліся з імі, зневажаючы гонар і годнасць. Яны адкрыта і дэманстратыўна прымянялі да іх насілле, чынілі здзекі, забіралі прадукты, патрабавалі купляць іх і хабары. Пры гэтым дзяржабвінавачванне лічыць, што фігуранты справы не прадбачылі цяжкіх наступстваў - самазабойства Коржыча. Аднак пры неабходнай уважлівасці і прадбачлівасці яны павінны былі зрабіць гэта.

Сваю віну віноўныя прызналі часткова.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.