Аляксандр Хаджаеў. Фота з архіва
16 чэрвеня, Мінск /Кар. БЕЛТА/. У інтэрв'ю тэлеканалу "Беларусь 1" міністр аховы здароўя Аляксандр Хаджаеў расказаў, якія задачы стаяць перад сістэмай аховы здароўя краіны, паведамляе БЕЛТА.
Адказваючы на пытанне, з якімі дасягненнямі Міністэрства аховы здароўя сустракае прафесійнае свята, Аляксандр Хаджаеў адзначыў: "Усе нашы дасягненні - гэта здароўе і працягласць жыцця нашых людзей. На сённяшні дзень каля 315 тыс. пасад мы маем у сістэме аховы здароўя, гэта каласальная колькасць фізічных асоб, якія працуюць у гэтай сістэме. Гэта, вядома, і ўрачы, і медсёстры. Карыстаючыся выпадкам, мне хочацца кожнаму з іх сказаць: я віншую вас з нашым прафесійным святам, дзякуй вам за вашу работу".
Гаворачы аб задачах для сферы аховы здароўя, кіраўнік Міністэрства абазначыў, што гэта забеспячэнне лякарствамі, якаснай і даступнай дапамогай на ўсіх узроўнях - у вёсцы, у горадзе, у невялікіх раёнах. "62 працэнты лекавых прэпаратаў, якія вырабляюцца ў Рэспубліцы Беларусь, не каштуюць больш за $2, калі перавесці ва ўмоўныя адзінкі. З гэтых 62 працэнтаў (калі мы іх возьмем за 100 працэнтаў) 32 працэнты выпускаемых прэпаратаў - тыя, што каштуюць менш за $1. Ёсць раёны, ёсць вёскі, дзе пражывае нязначная колькасць людзей, і разам з тым мы туды мабільным чынам дастаўляем тыя лекавыя прэпараты, якія ў першую чаргу яны могуць выкарыстоўваць. Гэта значыць не яны ідуць да аптэкі, а мабільная аптэка ў фармаце перасовачнага мабільнага комплексу, што выконвае функцыю перасовачнага ФАПа, прыязджае і мае кампаненты лекавага забеспячэння, якія нашы грамадзяне могуць там купіць, - сказаў Аляксандр Хаджаеў. - На сённяшні момант 60 працэнтаў лекавых прэпаратаў, што выкарыстоўваюцца ў фармуляры (а гэта забеспячэнне і стацыянараў, і тыя прэпараты, якія павінны быць у аптэцы), вырабляюцца і знаходзяцца на тэрыторыі Рэспублікі Беларусь. Гэта, безумоўна, наша фармакалагічная бяспека. У нас стаіць задача давесці гэты працэнт да 70 у бягучым годзе. Мы прыкладаем да гэтага максімальныя намаганні, перакананы, што мы даб'ёмся гэтага выніку".
Паводле слоў Аляксандра Хаджаева, на сённяшні дзень сістэма аховы здароўя забяспечана новым, актуальным, высокатэхналагічным абсталяваннем. Вялікая ўвага ўдзяляецца актуальнасці стану матэрыяльна-тэхнічнай базы, развіццю інфармацыйных тэхналогій у сферы медыцыны.
Кіраўнік Міністэрства аховы здароўя таксама расказаў, што прыкладна 160 тыс. замежных грамадзян у мінулым годзе былі абслужаны ў нашай краіне ў фармаце экспарту паслуг. "Гэта значная лічба. Гэта каля 159 краін, грамадзяне якіх змаглі атрымаць дапамогу ў нашай краіне. Аб чым гэта сведчыць? Аб тым, што сістэма аховы здароўя па сваёй якасці і эфектыўнасці вядома ў іншых краінах", - падкрэсліў ён.
Гаворачы аб замацавальнасці кадраў у сістэме аховы здароўя, Аляксандр Хаджаеў пералічыў шэраг крокаў, якія гэтаму садзейнічаюць. "На сённяшні дзень, вядома ж, застаецца актуальным узровень заработнай платы. Але ён не займае першае месца ў работнікаў сістэмы аховы здароўя. І гэта адбылося ў тым ліку дзякуючы Прэзідэнту, які пасля кавіднага перыяду даў даручэнне забяспечыць тую зарплату, што была ў момант пандэміі. На сённяшні дзень гэта ў поўным аб'ёме выконваецца. Другім аспектам, вядома ж, з'яўляюцца ўмовы, у якіх нашы работнікі працуюць. Гэта і сацыяльныя магчымасці, якія там ёсць, і, вядома, жылплошча. Мы добра разумеем, што і арэнднае жыллё адыгрывае вельмі важную ролю. Указ, які падпісаў кіраўнік дзяржавы, таксама стымулюе нашых работнікаў мець магчымасць праз нейкі прамежак часу гэта жыллё пакінуць сабе, калі яны адпрацуюць якасна і добра і застануцца на гэтай тэрыторыі жыць", - дадаў міністр аховы здароўя.-0-
Адказваючы на пытанне, з якімі дасягненнямі Міністэрства аховы здароўя сустракае прафесійнае свята, Аляксандр Хаджаеў адзначыў: "Усе нашы дасягненні - гэта здароўе і працягласць жыцця нашых людзей. На сённяшні дзень каля 315 тыс. пасад мы маем у сістэме аховы здароўя, гэта каласальная колькасць фізічных асоб, якія працуюць у гэтай сістэме. Гэта, вядома, і ўрачы, і медсёстры. Карыстаючыся выпадкам, мне хочацца кожнаму з іх сказаць: я віншую вас з нашым прафесійным святам, дзякуй вам за вашу работу".
Гаворачы аб задачах для сферы аховы здароўя, кіраўнік Міністэрства абазначыў, што гэта забеспячэнне лякарствамі, якаснай і даступнай дапамогай на ўсіх узроўнях - у вёсцы, у горадзе, у невялікіх раёнах. "62 працэнты лекавых прэпаратаў, якія вырабляюцца ў Рэспубліцы Беларусь, не каштуюць больш за $2, калі перавесці ва ўмоўныя адзінкі. З гэтых 62 працэнтаў (калі мы іх возьмем за 100 працэнтаў) 32 працэнты выпускаемых прэпаратаў - тыя, што каштуюць менш за $1. Ёсць раёны, ёсць вёскі, дзе пражывае нязначная колькасць людзей, і разам з тым мы туды мабільным чынам дастаўляем тыя лекавыя прэпараты, якія ў першую чаргу яны могуць выкарыстоўваць. Гэта значыць не яны ідуць да аптэкі, а мабільная аптэка ў фармаце перасовачнага мабільнага комплексу, што выконвае функцыю перасовачнага ФАПа, прыязджае і мае кампаненты лекавага забеспячэння, якія нашы грамадзяне могуць там купіць, - сказаў Аляксандр Хаджаеў. - На сённяшні момант 60 працэнтаў лекавых прэпаратаў, што выкарыстоўваюцца ў фармуляры (а гэта забеспячэнне і стацыянараў, і тыя прэпараты, якія павінны быць у аптэцы), вырабляюцца і знаходзяцца на тэрыторыі Рэспублікі Беларусь. Гэта, безумоўна, наша фармакалагічная бяспека. У нас стаіць задача давесці гэты працэнт да 70 у бягучым годзе. Мы прыкладаем да гэтага максімальныя намаганні, перакананы, што мы даб'ёмся гэтага выніку".
Паводле слоў Аляксандра Хаджаева, на сённяшні дзень сістэма аховы здароўя забяспечана новым, актуальным, высокатэхналагічным абсталяваннем. Вялікая ўвага ўдзяляецца актуальнасці стану матэрыяльна-тэхнічнай базы, развіццю інфармацыйных тэхналогій у сферы медыцыны.
Кіраўнік Міністэрства аховы здароўя таксама расказаў, што прыкладна 160 тыс. замежных грамадзян у мінулым годзе былі абслужаны ў нашай краіне ў фармаце экспарту паслуг. "Гэта значная лічба. Гэта каля 159 краін, грамадзяне якіх змаглі атрымаць дапамогу ў нашай краіне. Аб чым гэта сведчыць? Аб тым, што сістэма аховы здароўя па сваёй якасці і эфектыўнасці вядома ў іншых краінах", - падкрэсліў ён.
Гаворачы аб замацавальнасці кадраў у сістэме аховы здароўя, Аляксандр Хаджаеў пералічыў шэраг крокаў, якія гэтаму садзейнічаюць. "На сённяшні дзень, вядома ж, застаецца актуальным узровень заработнай платы. Але ён не займае першае месца ў работнікаў сістэмы аховы здароўя. І гэта адбылося ў тым ліку дзякуючы Прэзідэнту, які пасля кавіднага перыяду даў даручэнне забяспечыць тую зарплату, што была ў момант пандэміі. На сённяшні дзень гэта ў поўным аб'ёме выконваецца. Другім аспектам, вядома ж, з'яўляюцца ўмовы, у якіх нашы работнікі працуюць. Гэта і сацыяльныя магчымасці, якія там ёсць, і, вядома, жылплошча. Мы добра разумеем, што і арэнднае жыллё адыгрывае вельмі важную ролю. Указ, які падпісаў кіраўнік дзяржавы, таксама стымулюе нашых работнікаў мець магчымасць праз нейкі прамежак часу гэта жыллё пакінуць сабе, калі яны адпрацуюць якасна і добра і застануцца на гэтай тэрыторыі жыць", - дадаў міністр аховы здароўя.-0-
Падпісвайцеся на нас у
