Сцяг Субота, 13 ліпеня 2024
Усе навіны
Усе навіны
Грамадства
08 чэрвеня 2024, 12:38

"Факты замест эмоцый". Акуловіч пра сустрэчу кіраўнікоў міжнародных інфармагенцтваў з Пуціным

Ірына Акуловіч. Скрыншот відэа тэлеканала "Беларусь 1"
Ірына Акуловіч. Скрыншот відэа тэлеканала "Беларусь 1"
8 чэрвеня, Мінск /Кар. БЕЛТА/. Факты замест эмоцый. Так у праграме "Клуб рэдактараў" на тэлеканале "Беларусь 1" генеральны дырэктар БЕЛТА Ірына Акуловіч ахарактарызавала сустрэчу Прэзідэнта Расіі Уладзіміра Пуціна з кіраўнікамі міжнародных інфармацыйных агенцтваў, паведамляе БЕЛТА.

Гендырэктар БЕЛТА прымала ўдзел у сустрэчы расійскага лідара з кіраўнікамі міжнародных інфармацыйных агенцтваў. Паводле яе слоў, гэта сустрэча - яскравы прыклад таго, як факты заўсёды могуць пераважыць любыя эмоцыі. "Усе пытанні, якія паступалі Пуціну ад ЗША, Вялікабрытаніі, Францыі, Германіі, Іспаніі - усе былі на эмоцыях. І як толькі ім прыводзіліся хаця б нейкія факты... А Пуцін заклікаў да дыялогу. І ведаеце, дыялогу не было, - адзначыла Ірына Акуловіч. - Інакш кажучы, пытанне задавалася. Як Прэзідэнт Расіі гаварыў: я разумею вашы рэдакцыі папрасілі гэта пытанне задаць".

Усе гэтыя пытанні былі пабудаваны на эмоцыях і правакацыях. "Было пытанне, якое цяпер мусіруюць усе, што, маўляў, Пуцін ледзь ці не аб'явіў трэцюю сусветную вайну, калі зайшла размова аб прымяненні ядзернай зброі ва Украіне. Адразу было зададзена сустрэчнае пытанне: скажыце, мы ж наогул пра ядзерную зброю не гаварылі, чаму вы цяпер зноў на прэс-канферэнцыі задаяце гэта пытанне?", - адзначыла гендырэктар БЕЛТА.

Сустрэча расійскага лідара з кіраўнікамі міжнародных інфармацыйных агенцтваў - чарговы доказ таго, як замежныя СМІ гатовы любы факт паднесці ў выгадным ім святле, падаць яго па-свойму. І гэта не можа не кідацца ў вочы.-0-

Скрыншот відэа тэлеканала "Беларусь 1"
Падпісвайцеся на нас у
Twitter
Топ-навіны
Свежыя навіны Беларусі