ДЗЯРЖОРГАНЫДЗЯРЖОРГАНЫ
Флаг Серада, 12 мая 2021
Мінск Пераменная воблачнасць +15°C
Усе навіны
Усе навіны
Грамадства
25 лютага 2021, 14:56

Эксперты адзначаюць зніжэнне захваральнасці на COVID-19 у краінах СНД

Фота з архіва
Фота з архіва

25 лютага, Мінск /Кар. БЕЛТА/. Пасяджэнне Каардынацыйнага савета па праблемах санітарнай аховы тэрыторый дзяржаў - удзельніц СНД ад завозу і распаўсюджвання асабліва небяспечных інфекцыйных хвароб адбылося 24 лютага ў фармаце відэаканферэнцыі. Такая інфармацыя размешчана на сайце Выканкама СНД са спасылкай на прэс-службу Расспажыўнагляду, паведамляе БЕЛТА.

У пасяджэнні прынялі ўдзел члены каардынацыйнага савета ад Азербайджана, Арменіі, Беларусі, Казахстана, Кыргызстана, Расіі і Узбекістана, прадстаўнікі Еўрапейскага рэгіянальнага бюро Сусветнай арганізацыі аховы здароўя, а таксама пастаянныя паўнамоцныя прадстаўнікі дзяржаў Садружнасці і Выканаўчага камітэта СНД.

"Абмяркоўвалася эпідэмічная сітуацыя па COVID-19 у свеце і ў дзяржавах СНД, а таксама меры, якія прымаюцца па нармалізацыі сітуацыі. У цэлым у краінах Садружнасці адзначаецца зніжэнне новых выпадкаў захворвання на COVID-19, чаму садзейнічае падтрыманне высокіх паказчыкаў тэсціравання, выкананне прафілактычных мер і сацыяльнай дыстанцыі, а таксама старт прышчэпачнай кампаніі супраць новай каранавіруснай інфекцыі", - расказалі ў прэс-службе.

З улікам паступовага аднаўлення трансгранічнага перамяшчэння падкрэслена важнасць выкарыстання сучасных інструментаў ажыццяўлення санітарна-каранціннага кантролю асоб, якія ўязджаюць. У прыватнасці, прымянення мабільных дадаткаў, што забяспечваюць перадачу вынікаў тэсціравання ў электронным выглядзе. Такія рашэнні паспяхова прымяняюцца ўжо ў Расіі і шэрагу краін СНД.

Падчас нарады Расспажыўнагляд таксама прадставіў ход работы па ўзаемадзеянні з СААЗ у рамках стварэння цэнтра па супрацоўніцтве ў пытаннях рэагавання на надзвычайныя сітуацыі ў галіне грамадскай аховы здароўя санітарна-эпідэміялагічнага характару, а таксама распрацоўкі мінімальных стандартаў для мабільных лабараторый.

Наступнае пасяджэнне Каардынацыйнага савета пройдзе ў II квартале бягучага года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі