18 студзеня, Мінск /Кар. БЕЛТА/. Беларусь робіць стаўку на інавацыі і развіццё высокатэхналагічных вытворчасцей. Аб гэтым заявіў карэспандэнту БЕЛТА эканаміст, выкладчык Беларускага дзяржаўнага эканамічнага ўніверсітэта, магістр палітычных навук Віктар Саевіч.
Кіраўнік дзяржавы гэтымі днямі наведаў Мінскі гарадскі тэхнапарк і заявіў, што пазітыўна ацэньвае значэнне тэхнапаркаў у развіцці вытворчай сферы. Ён таксама абазначыў перспектывы стварэння новых тэхнапаркаў і высокатэхналагічных вытворчасцей.
"Калі XX стагоддзе было эпохай цяжкай індустрыі, то цяпер эпоха інавацый, інтэлектуальнага прарыву, найноўшых тэхналогій. Таму тэхнапаркі будуць адыгрываць велізарную ролю ў развіцці эканомікі нашай краіны. Развіццё інавацый не церпіць адкладу - трэба рабіць усё своечасова. Менавіта ў гэтым і дапамагае інавацыйнае прадпрымальніцтва. І яно атрымлівае падтрымку дзяржавы. Думаю, у наступнай пяцігодцы спатрэбіцца яшчэ больш узмоцненая ўвага да сферы інавацый з боку дзяржавы, грамадства, бізнесу", - сказаў Віктар Саевіч.
Некалькі гадоў таму Прэзідэнт даручыў ажыццявіць рэнавацыю вытворчай пляцоўкі былога завода "МотаВела". Для гэтага сталічныя ўлады перадалі зямельны ўчастак агульнай плошчай 27,6 га Мінскаму гарадскому тэхнапарку. Спачатку кіраўніку дзяржавы прапаноўвалі аддаць усю гэту пляцоўку пад будаўніцтва жылля. Аднак ён настаяў на тым, каб тут была арганізавана вытворчасць. І гэта рашэнне апраўдала сябе - створаны вытворчасці і працоўныя месцы, развіваецца гарадская інфраструктура. Як падкрэсліў Віктар Саевіч, такія інвестыцыі ў развіццё вельмі важныя і прыносяць адчувальны вынік.
"Будучыня нашай краіны за высокімі тэхналогіямі ў вытворчай сферы. Мы не можам разлічваць на багацейшыя сыравінныя рэсурсы. Таму робім стаўку на прарыўныя інавацыі, развіццё высокатэхналагічных вытворчасцей", - падкрэсліў эксперт.-0-
Кіраўнік дзяржавы гэтымі днямі наведаў Мінскі гарадскі тэхнапарк і заявіў, што пазітыўна ацэньвае значэнне тэхнапаркаў у развіцці вытворчай сферы. Ён таксама абазначыў перспектывы стварэння новых тэхнапаркаў і высокатэхналагічных вытворчасцей.
"Калі XX стагоддзе было эпохай цяжкай індустрыі, то цяпер эпоха інавацый, інтэлектуальнага прарыву, найноўшых тэхналогій. Таму тэхнапаркі будуць адыгрываць велізарную ролю ў развіцці эканомікі нашай краіны. Развіццё інавацый не церпіць адкладу - трэба рабіць усё своечасова. Менавіта ў гэтым і дапамагае інавацыйнае прадпрымальніцтва. І яно атрымлівае падтрымку дзяржавы. Думаю, у наступнай пяцігодцы спатрэбіцца яшчэ больш узмоцненая ўвага да сферы інавацый з боку дзяржавы, грамадства, бізнесу", - сказаў Віктар Саевіч.
Некалькі гадоў таму Прэзідэнт даручыў ажыццявіць рэнавацыю вытворчай пляцоўкі былога завода "МотаВела". Для гэтага сталічныя ўлады перадалі зямельны ўчастак агульнай плошчай 27,6 га Мінскаму гарадскому тэхнапарку. Спачатку кіраўніку дзяржавы прапаноўвалі аддаць усю гэту пляцоўку пад будаўніцтва жылля. Аднак ён настаяў на тым, каб тут была арганізавана вытворчасць. І гэта рашэнне апраўдала сябе - створаны вытворчасці і працоўныя месцы, развіваецца гарадская інфраструктура. Як падкрэсліў Віктар Саевіч, такія інвестыцыі ў развіццё вельмі важныя і прыносяць адчувальны вынік.
"Будучыня нашай краіны за высокімі тэхналогіямі ў вытворчай сферы. Мы не можам разлічваць на багацейшыя сыравінныя рэсурсы. Таму робім стаўку на прарыўныя інавацыі, развіццё высокатэхналагічных вытворчасцей", - падкрэсліў эксперт.-0-
Падпісвайцеся на нас у
