Сцяг Аўторак, 27 лютага 2024
Усе навіны
Усе навіны
Грамадства
13 лютага 2024, 13:22

Эксперт аб тым, што чакае Еўропу пасля завяршэння канфлікту ва Украіне: пачнецца самае страшнае

Фота з архіва
Фота з архіва
13 лютага, Мінск /Кар. БЕЛТА/. У праекце "У тэме" на YouTube-канале БЕЛТА эканаміст, аналітык Сяргей Банар выказаў меркаванне аб тым, што будзе пасля завяршэння ўкраінскага канфлікту.

Разважаючы на тэму таго, што праз 6-9 месяцаў украінскі канфлікт завершыцца, Сяргей Банар адзначыў: "А далей пачнецца самае страшнае. Справа ў тым, што завяршэнне канфлікту - гэта яшчэ большая пагроза для Еўропы як такой. Таму што 500-700 тыс. мужчын, якія ўмеюць забіваць і ўжо забівалі, вернуцца. Паводле афіцыйнай інфармацыі ўкраінскіх палітолагаў, больш за 20 працэнтаў з іх страцілі свае сем’і, якія выехалі. Калі мы гаворым аб сотні тысяч мужчын, якія раззлаваны на ўвесь свет, валодаюць баявым вопытам, гэта ўжо страшная сіла, у іх на руках незлічоная колькасць стралковай і іншай зброі, ёсць баявая зладжанасць. І гэтыя людзі вернуцца".
 
"Далей, што з імі рабіць? Добра, будзе перадзел сфер уплыву. Колькі застанецца той Украіны? Па Дняпры, груба кажучы? На тры месяцы. А далей куды яны папруць? Добра, Беларусь і Расія свае граніцы закрыюць. А куды яны пойдуць далей? Румынія, Малдова, Польшча", - сказаў аналітык.

Ён дадаў: "Мы яшчэ з вамі ўбачым, як польскія браты будуць расстрэльваць украінскіх братоў. Я гаварыў аб гэтым яшчэ 10-11 месяцаў таму, у пачатку 2023 года".
 
"Адна з галоўных культурных палітычных традыцый палякаў (ува мне ёсць польская кроў, каб мяне ў нейкай непавазе да польскага народа (не абвінавацілі. - Заўвага БЕЛТА)) - гэта пераабуванне ў паветры. Мы яшчэ ўбачым, як Польшча будзе ледзь не самая русафільская краіна ва Усходняй Еўропе. Я на поўным сур’ёзе гавару", - рэзюмаваў Сяргей Банар.-0-
Падпісвайцеся на нас у
Twitter
Топ-навіны
Свежыя навіны Беларусі