![Аляксандр Алесін. Фота з архіва Аляксандр Алесін. Фота з архіва](https://blr.belta.by/images/storage/news/with_archive/2024/000022_1724247846_134962_big.jpg)
Аляксандр Алесін. Фота з архіва
21 жніўня, Мінск /Кар. БЕЛТА/. Атака на Курскую вобласць мела на мэце вымусіць Расію прымяніць у адказ ядзерную зброю. Такое меркаванне ў праекце "У тэме" на YouTube-канале БЕЛТА выказаў незалежны ваенны аналітык Аляксандр Алесін.
"Расія не паддасца на правакацыі Захаду, хоць яе вымушаюць адказаць рэзка, эмацыянальна. Аж да прымянення ядзернай зброі. Гэта дало б карт-бланш блоку НАТА на актыўнае ўмяшанне ў канфлікт ва Украіне. Акрамя таго, гэта рэзка зменшыла б колькасць прыхільнікаў Расіі нават сярод яе саюзнікаў на Глабальным Поўдні. Гэта вельмі небяспечная правакацыя. Яна складаецца з некалькіх узроўняў, і адзін з галоўных - спроба прымусіць Расію адысці ад тактыкі павольнага знішчэння ўкраінскай арміі", - сказаў Аляксандр Алесін.
На думку ваеннага аналітыка, у так званай вайне на знясіленне расійская армія адназначна перамагае ўкраінскую. Акрамя таго, падкрэсліў ён, Расія пераўзыходзіць Украіну па такіх параметрах, як прыродныя і чалавечыя рэсурсы, а таксама моц ВПК. "Як гаварыў вядомы ваенны тэарэтык Карл фон Клаўзевіц, мэта ўсялякай вайны - гэта знішчэнне арміі. Калі не будзе арміі, гэтай дзяржаве можна прадыктаваць любыя ўмовы. І тактыка, якой цяпер прытрымліваецца расійская армія, на 100 працэнтаў працуе на выкананне гэтай задачы", - лічыць ваенны аналітык.
Такім чынам, канстатаваў Аляксандр Алесін, Украіне не хапае не толькі жывой сілы і тэхнікі, але і гатоўнасці насельніцтва ахвяраваць сваімі жыццямі дзеля сумніўных мэт. Аперацыя ў Курскай вобласці была накіравана на тое, каб Расія рэзка памяняла сваю тактыку і перайшла ад вайны на знясіленне да выкарыстання рэзкіх удараў, якія маглі б прывесці да вялікіх страт з яе боку.-0-
*Праект створаны за кошт сродкаў мэтавага збору на вытворчасць нацыянальнага кантэнту.
"Расія не паддасца на правакацыі Захаду, хоць яе вымушаюць адказаць рэзка, эмацыянальна. Аж да прымянення ядзернай зброі. Гэта дало б карт-бланш блоку НАТА на актыўнае ўмяшанне ў канфлікт ва Украіне. Акрамя таго, гэта рэзка зменшыла б колькасць прыхільнікаў Расіі нават сярод яе саюзнікаў на Глабальным Поўдні. Гэта вельмі небяспечная правакацыя. Яна складаецца з некалькіх узроўняў, і адзін з галоўных - спроба прымусіць Расію адысці ад тактыкі павольнага знішчэння ўкраінскай арміі", - сказаў Аляксандр Алесін.
На думку ваеннага аналітыка, у так званай вайне на знясіленне расійская армія адназначна перамагае ўкраінскую. Акрамя таго, падкрэсліў ён, Расія пераўзыходзіць Украіну па такіх параметрах, як прыродныя і чалавечыя рэсурсы, а таксама моц ВПК. "Як гаварыў вядомы ваенны тэарэтык Карл фон Клаўзевіц, мэта ўсялякай вайны - гэта знішчэнне арміі. Калі не будзе арміі, гэтай дзяржаве можна прадыктаваць любыя ўмовы. І тактыка, якой цяпер прытрымліваецца расійская армія, на 100 працэнтаў працуе на выкананне гэтай задачы", - лічыць ваенны аналітык.
Такім чынам, канстатаваў Аляксандр Алесін, Украіне не хапае не толькі жывой сілы і тэхнікі, але і гатоўнасці насельніцтва ахвяраваць сваімі жыццямі дзеля сумніўных мэт. Аперацыя ў Курскай вобласці была накіравана на тое, каб Расія рэзка памяняла сваю тактыку і перайшла ад вайны на знясіленне да выкарыстання рэзкіх удараў, якія маглі б прывесці да вялікіх страт з яе боку.-0-
*Праект створаны за кошт сродкаў мэтавага збору на вытворчасць нацыянальнага кантэнту.