Сцяг Пятніца, 29 сакавіка 2024
Усе навіны
Усе навіны
Грамадства
27 лістапада 2020, 09:30

Экспазіцыя беларускіх вытворцаў Made in Belarus прадстаўлена на міжнароднай выстаўцы ў Каіры

27 лістапада, Мінск /Кар. БЕЛТА/. Экспазіцыя беларускіх вытворцаў Made in Belarus паспяхова прадстаўлена на міжнароднай выстаўцы і форуме тэлекамунікацыйных і інфармацыйных тэхналогій Cairo ICT, што праходзілі 22-25 лістапада ў Каіры. Аб гэтым карэспандэнту БЕЛТА паведамілі ў пасольстве Беларусі ў Егіпце.

Cairo ICT - ключавое тэхналагічнае мерапрыемства ў галіне IT для транспарту, машынабудавання, банкаўскіх і фінансавых паслуг, аховы здароўя, адукацыі, энергетыкі, бяспекі. У бягучым годзе на выстаўцы былі прадстаўлены больш за 400 кампаній з такіх краін, як Беларусь, Расія, Кітай, ЗША, Францыя, Германія, Італія, Вялікабрытанія, Рэспубліка Карэя і Саудаўская Аравія. У цырымоніі адкрыцця прыняў удзел прэзідэнт Егіпта Абдэль Фатах ас-Сісі.

На экспазіцыі беларускіх вытворцаў Made in Belarus наведвальнікі і партнёры ацанілі найноўшыя распрацоўкі навукова-даследчых арганізацый Нацыянальнай акадэміі навук і вышэйшых навучальных устаноў Міністэрства адукацыі. У прыватнасці, Беларускі дзяржаўны ўніверсітэт прадставіў шэраг распрацовак медыцынскага прызначэння: комплекс медыцынскіх праграм у галіне кардыялогіі, матэматычныя мадэлі для хірургічнай практыкі, камп'ютарнае мадэляванне для стварэння прэпаратаў супраць каранавіруса SARS-CoV. Таксама быў прадстаўлены нанаспадарожнік БДУ BSUSat.

Беларускі дзяржаўны ўніверсітэт інфарматыкі і радыёэлектронікі паказаў распрацоўкі ў галіне абароны інфармацыі для прадпрыемстваў банкаўскай і мытнай сфер. Беларуска-расійскі ўніверсітэт прадставіў інфармацыйна-рэкламную сістэму "Электронны гід", прызначаную для грамадскага транспарту. Аб'яднаны інстытут праблем інфарматыкі НАН прадэманстраваў інтэлектуальны мікрамодуль для бартавога распазнавання выяў паверхні і аб'ектаў, а таксама кластарны персанальны суперкамп'ютар UIIP-OFFICE, прызначаны для складаных навуковых разлікаў, мадэлявання, вырашэння інжынерных задач і навучання ў ВНУ тэхналогіям паралельнага праграмавання.

Арганізатарам экспазіцыі беларускіх вытворцаў Made in Belarus выступіла выставачнае ўнітарнае прадпрыемства "Белінтэрэкспа" Беларускай гандлёва-прамысловай палаты. Экспазіцыя арганізавана пры актыўным удзеле і падтрымцы пасольства Рэспублікі Беларусь у Арабскай Рэспубліцы Егіпет.-0-

Падпісвайцеся на нас у
Twitter
Топ-навіны
Свежыя навіны Беларусі