21 лютага, Мінск /Кар. БЕЛТА/. Беларусь устанавіла кантакты з краінамі Азіі, Афрыкі, Лацінскай Амерыкі, але дзверы для краін Захаду таксама застаюцца адкрытымі. Аб гэтым заявіў журналістам начальнік Дэпартамента міжнароднага ваеннага супрацоўніцтва - памочнік міністра абароны па пытаннях міжнароднага ваеннага супрацоўніцтва Валерый Равенка па выніках брыфінгу для прадстаўнікоў ваенна-дыпламатычнага корпуса, акрэдытаваных пры Міністэрстве абароны Беларусі, перадае карэспандэнт БЕЛТА.
"На брыфінгу мы зрабілі тры важныя пасылы. Першы з іх звязаны з новай Ваеннай дактрынай, у якой мы дакладна вызначылі, што ні адна дзяржава, ні адзін народ не з’яўляюцца нашымі праціўнікамі або ворагамі. Другі пасыл - у нас кампактныя, высокападрыхтаваныя і добра аснашчаныя Узброеныя Сілы, якія даюць магчымасць нам забяспечваць бяспеку нашай дзяржавы. Трэці пасыл - мы сёння змянілі вектар супрацоўніцтва з нашымі сябрамі і партнёрамі. Мы больш не хочам зазываць Захад, шукаць нейкія кантакты для змяншэння пагроз ваеннай бяспецы. Мы проста прыадкрылі дзверы. Калі ім (краінам Захаду. - Заўвага БЕЛТА) неабходна - няхай прыходзяць, мы будзем размаўляць", - сказаў Валерый Равенка.
Памочнік міністра абароны па пытаннях міжнароднага ваеннага супрацоўніцтва адзначыў, што Беларусь устанавіла кантакты з краінамі Азіі, Афрыкі, Лацінскай Амерыкі. "Міністр абароны зрабіў візіты ў Індыю, Кітай, Іран, літаральна нядаўна быў візіт на Кубу. У Расію, зразумела. Было дасягнута мноства дамоўленасцей. У нас шмат сяброў і партнёраў, мы ведаем, куды ісці", - адзначыў ён.
Разам з тым, дадаў Валерый Равенка, дзверы для Захаду застаюцца адкрытымі. "Неабходна размаўляць, здымаць напружанне", - упэўнены памочнік міністра абароны па пытаннях міжнароднага ваеннага супрацоўніцтва.-0-
"На брыфінгу мы зрабілі тры важныя пасылы. Першы з іх звязаны з новай Ваеннай дактрынай, у якой мы дакладна вызначылі, што ні адна дзяржава, ні адзін народ не з’яўляюцца нашымі праціўнікамі або ворагамі. Другі пасыл - у нас кампактныя, высокападрыхтаваныя і добра аснашчаныя Узброеныя Сілы, якія даюць магчымасць нам забяспечваць бяспеку нашай дзяржавы. Трэці пасыл - мы сёння змянілі вектар супрацоўніцтва з нашымі сябрамі і партнёрамі. Мы больш не хочам зазываць Захад, шукаць нейкія кантакты для змяншэння пагроз ваеннай бяспецы. Мы проста прыадкрылі дзверы. Калі ім (краінам Захаду. - Заўвага БЕЛТА) неабходна - няхай прыходзяць, мы будзем размаўляць", - сказаў Валерый Равенка.
Памочнік міністра абароны па пытаннях міжнароднага ваеннага супрацоўніцтва адзначыў, што Беларусь устанавіла кантакты з краінамі Азіі, Афрыкі, Лацінскай Амерыкі. "Міністр абароны зрабіў візіты ў Індыю, Кітай, Іран, літаральна нядаўна быў візіт на Кубу. У Расію, зразумела. Было дасягнута мноства дамоўленасцей. У нас шмат сяброў і партнёраў, мы ведаем, куды ісці", - адзначыў ён.
Разам з тым, дадаў Валерый Равенка, дзверы для Захаду застаюцца адкрытымі. "Неабходна размаўляць, здымаць напружанне", - упэўнены памочнік міністра абароны па пытаннях міжнароднага ваеннага супрацоўніцтва.-0-
