![Фота Савета Рэспублікі Фота Савета Рэспублікі](https://blr.belta.by/images/storage/news/with_archive/2024/000022_1720688600_133407_big.jpg)
Фота Савета Рэспублікі
11 ліпеня, Мінск /Кар. БЕЛТА/. У Санкт-Пецярбургу пачаў работу Х Парламенцкі форум БРІКС, перадае карэспандэнт БЕЛТА.
"Парламенцкі форум БРІКС - яскравы прыклад адзінства, узаемнай падтрымкі, свабоднага шматбаковага дыялогу, сімвал значнасці парламенцкай дыпламатыі ў сістэме каардынат міждзяржаўных адносін, - падкрэсліла на адкрыцці форуму старшыня Савета Федэрацыі РФ Валянціна Мацвіенка. - Упэўнена, што наша сумесная работа ў рамках Х Парламенцкага форуму ўнясе свой уклад у падрыхтоўку галоўнай падзеі расійскага старшынства ў БРІКС - сустрэчы на вышэйшым узроўні, якая пройдзе ў кастрычніку гэтага года ў Казані. Усе нашы ідэі, прапановы, якія прагучаць на пляцоўцы Парламенцкага форуму, мы абавязкова данясём да кіраўнікоў дзяржаў, накіруем нашы пісьмовыя прапановы. Упэўнена, што яны будуць улічаны".
Як адзначыў старшыня Дзяржаўнай думы Федэральнага сходу Расіі Вячаслаў Валодзін, павелічэнне колькасці ўдзельнікаў БРІКС наглядна пацвярджае запатрабаванне на шматпалярны і справядлівы светапарадак. "Мы бачым, што цяпер усё больш краін імкнуцца да ўмацавання свайго суверэнітэту, нацыянальнай і культурнай ідэнтычнасці. Гэты працэс неабарачальны. Ён будзе толькі набіраць абароты. Людзі хочуць планаваць сваё жыццё, будучыню. Ніхто не збіраецца аддаваць гэта на нечый водкуп. Тым больш шмат прыкладаў паказвае, што падпарадкаванне гегемоніі адной краіны прыводзіць да непапраўных наступстваў і разбурэння цэлых дзяржаў, - сказаў ён. - І гэта не той шлях, які хацеў бы кожны народ для сябе, сваіх нашчадкаў. Таму такія аб'яднанні, як БРІКС, маюць вялікую перспектыву, таму што грунтуюцца на выбудоўванні адносін павагі, дружбы, неўмяшання ў справы суверэнных дзяржаў і, вядома, абараняюць свой суверэнітэт, свае традыцыі, культуру. Калі мы гаворым пра БРІКС, усё больш гэта аб'яднанне становіцца адной з ключавых апор шматпалярнага свету, які сёння паступова пачынае фарміравацца. Запатрабаванне на яго вялікае. І кожная краіна, кожны народ хацеў бы, каб сусветны парадак быў справядлівы".
Як чакаецца, парламенцкая дэлегацыя Беларусі на чале са старшынёй Савета Рэспублікі Наталляй Качанавай прыме ўдзел у мерапрыемствах Х Парламенцкага форуму БРІКС і пасяджэнні Савета МПА СНД у Санкт-Пецярбургу. Асноўная тэма форуму - "Роля парламентаў ва ўмацаванні шматбаковасці для справядлівага глабальнага развіцця і бяспекі". Усяго амаль 400 удзельнікаў з 16 краін аб'яднае форум у Санкт-Пецярбургу. Гэта парламентарыі з Бразіліі, Егіпта, Індыі, Ірана, Кітая, Аб'яднаных Арабскіх Эміратаў, Эфіопіі, ПАР, дзяржаў - удзельніц Міжпарламенцкай асамблеі СНД - Беларусі, Азербайджана, Арменіі, Казахстана, Кыргызстана, Таджыкістана, Узбекістана.
У склад парламенцкай дэлегацыі Беларусі ўвайшлі кіраўнік дэлегацыі, старшыня Савета Рэспублікі Наталля Качанава, старшыня Пастаяннай камісіі па міжнародных справах і нацыянальнай бяспецы Савета Рэспублікі Сяргей Алейнік, старшыня Пастаяннай камісіі па заканадаўстве і дзяржаўным будаўніцтве Савета Рэспублікі Міхаіл Русы, старшыня Палаты прадстаўнікоў Ігар Сергяенка і старшыня Пастаяннай камісіі па міжнародных справах Палаты прадстаўнікоў Сяргей Рачкоў. Запланаваны выступленні старшыні Савета Рэспублікі Наталлі Качанавай і старшыні Палаты прадстаўнікоў Ігара Сергяенкі на сесіях БРІКС, а таксама шэраг двухбаковых сустрэч.-0-
"Парламенцкі форум БРІКС - яскравы прыклад адзінства, узаемнай падтрымкі, свабоднага шматбаковага дыялогу, сімвал значнасці парламенцкай дыпламатыі ў сістэме каардынат міждзяржаўных адносін, - падкрэсліла на адкрыцці форуму старшыня Савета Федэрацыі РФ Валянціна Мацвіенка. - Упэўнена, што наша сумесная работа ў рамках Х Парламенцкага форуму ўнясе свой уклад у падрыхтоўку галоўнай падзеі расійскага старшынства ў БРІКС - сустрэчы на вышэйшым узроўні, якая пройдзе ў кастрычніку гэтага года ў Казані. Усе нашы ідэі, прапановы, якія прагучаць на пляцоўцы Парламенцкага форуму, мы абавязкова данясём да кіраўнікоў дзяржаў, накіруем нашы пісьмовыя прапановы. Упэўнена, што яны будуць улічаны".
Як адзначыў старшыня Дзяржаўнай думы Федэральнага сходу Расіі Вячаслаў Валодзін, павелічэнне колькасці ўдзельнікаў БРІКС наглядна пацвярджае запатрабаванне на шматпалярны і справядлівы светапарадак. "Мы бачым, што цяпер усё больш краін імкнуцца да ўмацавання свайго суверэнітэту, нацыянальнай і культурнай ідэнтычнасці. Гэты працэс неабарачальны. Ён будзе толькі набіраць абароты. Людзі хочуць планаваць сваё жыццё, будучыню. Ніхто не збіраецца аддаваць гэта на нечый водкуп. Тым больш шмат прыкладаў паказвае, што падпарадкаванне гегемоніі адной краіны прыводзіць да непапраўных наступстваў і разбурэння цэлых дзяржаў, - сказаў ён. - І гэта не той шлях, які хацеў бы кожны народ для сябе, сваіх нашчадкаў. Таму такія аб'яднанні, як БРІКС, маюць вялікую перспектыву, таму што грунтуюцца на выбудоўванні адносін павагі, дружбы, неўмяшання ў справы суверэнных дзяржаў і, вядома, абараняюць свой суверэнітэт, свае традыцыі, культуру. Калі мы гаворым пра БРІКС, усё больш гэта аб'яднанне становіцца адной з ключавых апор шматпалярнага свету, які сёння паступова пачынае фарміравацца. Запатрабаванне на яго вялікае. І кожная краіна, кожны народ хацеў бы, каб сусветны парадак быў справядлівы".
Як чакаецца, парламенцкая дэлегацыя Беларусі на чале са старшынёй Савета Рэспублікі Наталляй Качанавай прыме ўдзел у мерапрыемствах Х Парламенцкага форуму БРІКС і пасяджэнні Савета МПА СНД у Санкт-Пецярбургу. Асноўная тэма форуму - "Роля парламентаў ва ўмацаванні шматбаковасці для справядлівага глабальнага развіцця і бяспекі". Усяго амаль 400 удзельнікаў з 16 краін аб'яднае форум у Санкт-Пецярбургу. Гэта парламентарыі з Бразіліі, Егіпта, Індыі, Ірана, Кітая, Аб'яднаных Арабскіх Эміратаў, Эфіопіі, ПАР, дзяржаў - удзельніц Міжпарламенцкай асамблеі СНД - Беларусі, Азербайджана, Арменіі, Казахстана, Кыргызстана, Таджыкістана, Узбекістана.
У склад парламенцкай дэлегацыі Беларусі ўвайшлі кіраўнік дэлегацыі, старшыня Савета Рэспублікі Наталля Качанава, старшыня Пастаяннай камісіі па міжнародных справах і нацыянальнай бяспецы Савета Рэспублікі Сяргей Алейнік, старшыня Пастаяннай камісіі па заканадаўстве і дзяржаўным будаўніцтве Савета Рэспублікі Міхаіл Русы, старшыня Палаты прадстаўнікоў Ігар Сергяенка і старшыня Пастаяннай камісіі па міжнародных справах Палаты прадстаўнікоў Сяргей Рачкоў. Запланаваны выступленні старшыні Савета Рэспублікі Наталлі Качанавай і старшыні Палаты прадстаўнікоў Ігара Сергяенкі на сесіях БРІКС, а таксама шэраг двухбаковых сустрэч.-0-