Сцяг Субота, 15 чэрвеня 2024
Усе навіны
Усе навіны
Грамадства
15 красавіка 2024, 17:16

Дзяржстандарт забараніў прадаваць некаторае дзіцячае адзенне вядомага турэцкага брэнда

Фота Дзяржстандарту
Фота Дзяржстандарту
15 красавіка, Мінск /Кар. БЕЛТА/. Дзяржстандарт забараніў прадаваць некаторае дзіцячае адзенне вядомага турэцкага брэнда. Яно апублікавана ў рэестры небяспечнай прадукцыі, паведамляе БЕЛТА.

Дзяржстандарт выявіў парушэнні ў дзіцячым адзенні брэнда LC Waikiki. У прыватнасці, паказчыкі бяспекі былі парушаны пры вытворчасці камплектаў - шапачак, бодзі, камбінезонаў для нованароджаных, а таксама некалькіх відаў кашуль для дашкольнікаў і школьнікаў.

У адзенні для нованароджаных злучальныя швы з абкідваннем зрэзаў выкананы на сподні бок (павінны быць на добры бок), для дашкольнікаў і школьнікаў не захаваны паказчыкі гіграскапічнасці і паветрапранікальнасці.

Акрамя таго, у спісе набяспечнай прадукцыі апынуліся школьныя партфелі названай гандлёвай маркі. На іх адсутнічалі святловяртальныя элементы на пярэдніх, бакавых паверхнях і верхнім клапане.

Названую прадукцыю забаранілі прадаваць у Беларусі з 18 красавіка.-0-
Падпісвайцеся на нас у
Twitter
Топ-навіны
Свежыя навіны Беларусі