Дзяржстандарт і БелДІСС распрацавалі метадычку па беражлівым менеджменце
 

5 лютага, Мінск /Кар. БЕЛТА/. Дзяржаўны камітэт па стандартызацыі і Беларускі дзяржаўны інстытут стандартызацыі і сертыфікацыі распрацавалі метадычныя рэкамендацыі па тыпавой метадалогіі беражлівага менеджменту. Аб гэтым паведамілі БЕЛТА ў БелДІСС.

Як расказалі ў інстытуце, выданне можа выкарыстоўвацца ў якасці інструкцыі па вывучэнні філасофіі беражлівасці, перабудове культуры арганізацыі на яе аснове і ўбудоўванні прынцыпаў беражлівага менеджменту ў практыку арганізацый. Дарэчы, прызначаны метадычныя рэкамендацыі для арганізацый усіх галін эканомікі і форм уласнасці.

Дапаможнік, як лічаць яго распрацоўшчыкі, можа быць запатрабаваны арганізацыямі, якія аказваюць кансультацыйна-метадычную дапамогу па стварэнні і ўдасканаленні сістэм менеджменту і беражлівага менеджменту, кіраўнікамі, інжынерна-тэхнічнымі работнікамі, майстрамі, рабочымі, вучонымі, выкладчыкамі, аспірантамі і студэнтамі.

Было адзначана, што ў выданні разглядаюцца прынцыпы і асноўныя інструменты беражлівага менеджменту, якія павышаюць якасць і прадукцыйнасць, аўтаматызуюць і аптымізуюць вытворчыя працэсы і могуць прымяняцца на канкрэтных рабочых месцах.-0-