30 снежня, Мінск /Кар. БЕЛТА/. Прэм'ер-міністр Беларусі Аляксандр Турчын павіншаваў выхаванцаў Івянецкага дзіцячага сацыяльнага пансіяната "Дабрыня сэрцаў" з навагоднімі святамі ў рамках акцыі "Нашы дзеці", перадае карэспандэнт БЕЛТА.
"Я прыехаў павіншаваць вас з надыходзячым Новым годам, пажадаць усяго самага добрага. Гэта ўстанова - прыклад таго, як дзяржава імкнецца клапаціцца аб усіх нашых дзецях. Успамінаю свой першы візіт, і самае галоўнае, што мяне тады ўразіла, - гэта аптымізм дзяцей, яны такія малайцы, зараджаешся іх энергіяй. Мы шмат што зрабілі за гэты час разам. Цяпер выдатнае зімовае надвор'е, сапраўдная казка, сапраўднае чараўніцтва. Шчыра віншую вас і жадаю шчасця, няхай усё будзе добра ў вас і ў вашых сем'ях, няхай жаданні, якія вы загадваеце, абавязкова здзяйсняюцца", - сказаў Аляксандр Турчын.
Падарункам для дзяцей сталі камп'ютары і ласункі.
Выхаванец пансіяната Мацвей Буранкоў выконваў важную ролю - быў гукарэжысёрам на свяце. Ён прызнаўся, што вельмі любіць Новы год і чакае яго з восені. "Калі я бачу святочныя агеньчыкі, ззянне ёлкі - адчуваю пачуццё радасці. У свята да нас прыязджаюць госці, дораць салодкія падарункі, таксама мы пішам пісьмы Дзеду Марозу і ён здзяйсняе нашы жаданні. Але я стараюся і сам. У мяне было жаданне купіць ёлку, я некаторы час папрацаваў у цяпліцы і змог яе набыць", - адзначыў ён.
Намеснік дырэктара Івянецкага дзіцячага сацыяльнага пансіяната "Дабрыня сэрцаў" Настасся Зянько назвала адным з самых важных дасягненняў адкрыццё аддзялення рэабілітацыі і абілітацыі. "Мы сталі прымаць да нас не толькі дзяцей на пастаяннай аснове, але і на рэабілітацыю на 27 дзён. Гэта значыць, дзеткі жывуць з бацькамі дома, але прыязджаюць да нас на рэабілітацыю, атрымліваюць сацыяльную і медыцынскую дапамогу, пасля чаго едуць назад дадому. Лічу, што гэта адзін з самых важных для нас напрамкаў: дзеці маюць магчымасць атрымаць дадатковую рэабілітацыю, а дзеці, якія жывуць у нас пастаянна, могуць пашырыць свае сацыяльныя сувязі", - падкрэсліла яна.
Івянецкі дзіцячы сацыяльны пансіянат "Дабрыня сэрцаў" функцыянуе з 1962 года. З 1 кастрычніка 2024 года на базе сацыяльнага пансіяната адкрыта аддзяленне рэабілітацыі і абілітацыі, у якім прайшлі ўжо комплексную псіхолага-педагагічную рэабілітацыю і сацыяльную адаптацыю 286 дзяцей-інвалідаў у суправаджэнні 118 бацькоў. У аддзяленне заезды ажыццяўляюцца штомесяц тэрмінам на 27 дзён. У пансіянаце жывуць 38 дзяцей-інвалідаў, з іх 9 інвалідаў-калясачнікаў. Сярэдні ўзрост пражываючых - 15 гадоў.
Пансіянат аснашчаны неабходным сучасным медыцынскім абсталяваннем, усе медыцынскія паслугі аказваюцца ў поўным аб'ёме. Медыцынскае абслугоўванне ажыццяўляецца па асноўных напрамках: прафілактычныя, комплексныя паглыбленыя агляды, кансультацыйная дапамога, дыспансернае назіранне, арганізацыя лячэбнага працэсу, аздараўленне.
З 1 чэрвеня 2026 года плануецца адкрыццё Цэнтра рэабілітацыі і абілітацыі для дзяцей-інвалідаў Мінскай вобласці з захворваннямі нервовай і касцёва-мышачнай сістэм на базе сацыяльнага пансіяната.-0-
"Я прыехаў павіншаваць вас з надыходзячым Новым годам, пажадаць усяго самага добрага. Гэта ўстанова - прыклад таго, як дзяржава імкнецца клапаціцца аб усіх нашых дзецях. Успамінаю свой першы візіт, і самае галоўнае, што мяне тады ўразіла, - гэта аптымізм дзяцей, яны такія малайцы, зараджаешся іх энергіяй. Мы шмат што зрабілі за гэты час разам. Цяпер выдатнае зімовае надвор'е, сапраўдная казка, сапраўднае чараўніцтва. Шчыра віншую вас і жадаю шчасця, няхай усё будзе добра ў вас і ў вашых сем'ях, няхай жаданні, якія вы загадваеце, абавязкова здзяйсняюцца", - сказаў Аляксандр Турчын.
Падарункам для дзяцей сталі камп'ютары і ласункі.
Выхаванец пансіяната Мацвей Буранкоў выконваў важную ролю - быў гукарэжысёрам на свяце. Ён прызнаўся, што вельмі любіць Новы год і чакае яго з восені. "Калі я бачу святочныя агеньчыкі, ззянне ёлкі - адчуваю пачуццё радасці. У свята да нас прыязджаюць госці, дораць салодкія падарункі, таксама мы пішам пісьмы Дзеду Марозу і ён здзяйсняе нашы жаданні. Але я стараюся і сам. У мяне было жаданне купіць ёлку, я некаторы час папрацаваў у цяпліцы і змог яе набыць", - адзначыў ён.
Намеснік дырэктара Івянецкага дзіцячага сацыяльнага пансіяната "Дабрыня сэрцаў" Настасся Зянько назвала адным з самых важных дасягненняў адкрыццё аддзялення рэабілітацыі і абілітацыі. "Мы сталі прымаць да нас не толькі дзяцей на пастаяннай аснове, але і на рэабілітацыю на 27 дзён. Гэта значыць, дзеткі жывуць з бацькамі дома, але прыязджаюць да нас на рэабілітацыю, атрымліваюць сацыяльную і медыцынскую дапамогу, пасля чаго едуць назад дадому. Лічу, што гэта адзін з самых важных для нас напрамкаў: дзеці маюць магчымасць атрымаць дадатковую рэабілітацыю, а дзеці, якія жывуць у нас пастаянна, могуць пашырыць свае сацыяльныя сувязі", - падкрэсліла яна.
Івянецкі дзіцячы сацыяльны пансіянат "Дабрыня сэрцаў" функцыянуе з 1962 года. З 1 кастрычніка 2024 года на базе сацыяльнага пансіяната адкрыта аддзяленне рэабілітацыі і абілітацыі, у якім прайшлі ўжо комплексную псіхолага-педагагічную рэабілітацыю і сацыяльную адаптацыю 286 дзяцей-інвалідаў у суправаджэнні 118 бацькоў. У аддзяленне заезды ажыццяўляюцца штомесяц тэрмінам на 27 дзён. У пансіянаце жывуць 38 дзяцей-інвалідаў, з іх 9 інвалідаў-калясачнікаў. Сярэдні ўзрост пражываючых - 15 гадоў.
Пансіянат аснашчаны неабходным сучасным медыцынскім абсталяваннем, усе медыцынскія паслугі аказваюцца ў поўным аб'ёме. Медыцынскае абслугоўванне ажыццяўляецца па асноўных напрамках: прафілактычныя, комплексныя паглыбленыя агляды, кансультацыйная дапамога, дыспансернае назіранне, арганізацыя лячэбнага працэсу, аздараўленне.
З 1 чэрвеня 2026 года плануецца адкрыццё Цэнтра рэабілітацыі і абілітацыі для дзяцей-інвалідаў Мінскай вобласці з захворваннямі нервовай і касцёва-мышачнай сістэм на базе сацыяльнага пансіяната.-0-
Падпісвайцеся на нас у
