Навіны сюжэта
"Праект "Беларусы ў кадры" на YouTube-канале БЕЛТА"
Музыканта Дзмітрыя Сіўчыка многія запомнілі яшчэ на праекце "Х-Фактар", калі юнак абсалютна сур'ёзна зрабіў прапанову Вользе Бузавай. Тады ён толькі завёў акаўнты ў сацсетках і амаль нічога не ведаў пра блогерства. Праз некалькі гадоў усё кардынальна змянілася: сёння ў Дзім Дзімыча ў TikTok больш за 2,5 млн падпісчыкаў, а на YouTube-канале - у некалькі разоў больш. Хіты спевака трапляюць у топ-чарты, а нядаўна яго каманда пачала супрацоўнічаць з вядомым расійскім лэйблам. Як яму ўсё гэта ўдалося? Пагаварылі з блогерам аб крутых праектах беларусаў, інтарэсах фанатаў-падлеткаў і іх безразважных учынках.
"Рэдка нешта маштабнае атрымліваецца з першага разу"
Дзмітрый Сіўчык больш вядомы як блогер Дзім Дзімыч. У школе ён паспяваў усё: і добра вучыцца, і спортам займацца, і ўдзельнічаць у розных мерапрыемствах. Яшчэ ён часта бываў на канцэртах папулярных артыстаў. Ужо тады, адзначае Дзім Дзімыч, ён лічыў, што можа выступаць не горш, а можа, нават і лепш. Уласна кажучы, гэтыя думкі і сталі зыходным пунктам на яго будучым творчым шляху.
- Думаю, калі б я сказаў родным і знаёмым гадоў 10 таму, што хачу спяваць і выступаць на сцэне, яны вельмі здзівіліся б. Бо ў маёй сям'і ніхто сур'ёзна не займаўся музыкай. Я і сам ніколі не вучыўся ў музычнай школе, - усміхаецца субяседнік. - Але ў старшых класах раптам зразумеў, што хачу і магу дарыць людзям сваю энергію. Гэта жаданне і прывяло мяне да напісання першага трэка, потым другога, трэцяга... Вядома, без вакальных навыкаў усё давалася не так лёгка, але дапамагала мая працавітасць. Стаў запісваць песні, распаўсюджваць іх у сацсетках.
Праз некаторы час у блогера з'явілася каманда аднадумцаў. Разам яны пачалі рухацца наперад на прафесійным узроўні. Шукалі розныя тэмы і вобразы, каб папулярызаваць творчасць Дзмітрыя Сіўчыка. Ён заўважае, што сёння моладзь хоча ўсё і адразу, і дае параду: трэба пачынаць з нечага і крок за крокам набліжацца да запаветнай мэты.
- Рэдка нешта маштабнае атрымліваецца з першага разу. За поспехам заўсёды стаіць нямала намаганняў. Трэба пастаянна ўдасканальвацца, дзень за днём станавіцца сваёй лепшай версіяй, - тлумачыць ён. - Я паверыў у сябе, стаў запісваць трэкі. Паралельна вучыўся ва ўніверсітэце і падзарабляў на будоўлі. Адкладваў грошы, каб укласці іх у творчасць. Таму магу з упэўненасцю сказаць: усё магчыма, было б жаданне.
Бацькі не адразу сур'ёзна прынялі захапленне сына. Вырашылі, што гэта часовае хобі. Калі ж убачылі, з якім натхненнем Дзіма займаецца музыкай, піша і выпускае трэк за трэкам, падтрымалі яго жаданне развівацца ў шоу-бізнесе.
- Яны даведаліся, што мае кліпы набіраюць мільённыя прагляды. Пабывалі на сольным канцэрце, убачылі эмоцыі гледачоў, адчулі іх у сябе. Так і зразумелі: сын зрабіў правільны выбар, - з гонарам расказвае Дзмітрый.
"Сацсеткам патрэбны крэатыўны, якасны матэрыял"
Шырокая папулярнасць прыйшла да яго пасля ўдзелу ў праекце "Х-Фактар". Песня "Кубики-Рубики" літаральна адразу ж, як кажуць, зайшла публіцы. Журы і гледачы былі здзіўлены смелым учынкам маладога выканаўцы, які падарыў Вользе Бузавай кветкі і пярсцёнак у выглядзе кубіка Рубіка, зрабіўшы прапанову рукі і сэрца. Спявачка хоць і рассмяялася, але падарунак прыняла, а пра смелага беларуса даведаліся далёка за межамі нашай краіны. Урэшце, вядомасцю Дзмітрый абавязаны не толькі экстравагантнаму ўчынку: яшчэ да яго журы шоу дало высокую ацэнку вакальным даным удзельніка. Праўда, у фінал праекта ён не трапіў, але гледачу запомніўся.
- Вельмі забаўная гісторыя атрымалася з Вольгай Бузавай, мы крута разыгралі сцэнку з прапановай, - усміхаецца Дзмітрый.
Яшчэ адным маштабным праектам, у якім ён з радасцю прыняў удзел, стала рэспубліканская акцыя "Марафон адзінства". Дзім Дзімыч выступаў не толькі як спявак, але і як блогер, паколькі з часам зразумеў: TikTok і іншыя маладзёжныя сацыяльныя сеткі - добры інструмент для "раскручвання" сябе. Эмоцыі ад мерапрыемства ў яго засталіся самыя пазітыўныя.
- Сюды не трэба ўкладваць вялікія грошы. Сацсеткам патрэбны крэатыўны, якасны матэрыял. Пасля "Х-Фактару" мая песня "Кубики-Рубики" пачала вірусіцца ў TikTok. Заўважыў, што пад яе здымаюць ролікі дзеці, і падумаў: чаму б і самому не быць на адной хвалі з падлеткамі, моладдзю? І гэта зайшло, - гаворыць ён. - Прыдумаў круты нік - Дзім Дзімыч. Ён хутка пайшоў у народ. На гэтым ніку пабудаваны ўвесь вобраз. Вось так, крок за крокам, год за годам працаваў над сваім іміджам, і цяпер я кумір моладзі, чым вельмі ганаруся.
Быць прыкладам для падрастаючага пакалення - гэта яшчэ і вялікая адказнасць. На канцэртах Дзмітрый стараецца вучыць дзяцей правільным каштоўнасцям: расказвае, як важна любіць бацькоў, займацца спортам, імкнуцца дасягаць мэты, марыць і не баяцца ісці ў нагу з часам.
- З нядаўняга часу мая каманда супрацоўнічае з адным з вядучых музычных лэйблаў у Расіі - Black Star. Некаторыя думаюць: а што тут такога, маўляў, занеслі грошай, праплацілі і працуюць. На самай справе гэта не так. У такім шоу-бізнесе толькі сваёй працавітасцю, талентам, жаданнем ісці наперад можна нечага дабіцца, - удакладняе Дзмітрый. - Мы выходзім на сур'ёзны ўзровень, робім розныя праекты, калабарацыі з расійскімі зоркамі.
Паводле слоў Дзмітрыя Сіўчыка, сёння многія беларускія артысты знаходзяцца ў топ-чартах. Пра іх гавораць у расійскім шоу-бізнесе, запрашаюць прыняць удзел у розных мерапрыемствах на прасторах усёй СНД. У гэтым плане Беларусь зрабіла вялікі скачок наперад.
- На "Марафоне адзінства" каманда блогераў на канцэртах збірала па 3-5 тыс. гледачоў. Поспех быў заўважаны ў Расіі. Калі прыязджаў у Маскву і іншыя гарады, чуў, як гавораць пра гэту маштабную акцыю, маўляў, беларусы ўзялі такі моцны вектар, - з гонарам гаворыць Дзмітрый. - Хочацца і далей удзельнічаць у крутых праектах, каб іх было як мага больш. Бо ў нашай краіне шмат таленавітых, крэатыўных маладых людзей. Мы не горшыя за расійскіх зорак. Трэба верыць у сваіх і, як гаворыць наш Прэзідэнт, працаваць, працаваць і яшчэ раз працаваць. Тады ўсё атрымаецца!
"У мяне атрымліваецца злучаць розныя пакаленні"
Большая частка фанатаў Дзімаў Дзімыча - падлеткі. Але ёсць у ліку яго гледачоў і дарослыя, якім блізка творчасць блогера і музыканта.
- На канцэртах бачу, як пад "Кубики-Рубики" ці "Буратино" спяваюць і танцуюць бабулі. Крута, што ў мяне як універсальнага іграка атрымліваецца злучаць розныя пакаленні, - гаворыць ён і адзначае, што нашы бацькі, бабулі і дзядулі часам скептычна ставяцца да кантэнту ў сацыяльных сетках. - Акрамя добрых песень, як у мяне, у іх ёсць адваротны бок, які не рэкамендаваны для прагляду падлеткамі. Тут на першае месца выходзіць выхаванне: дзіцяці ў сям'і важна тлумачыць, што такое добра і што такое дрэнна.
У якасці прыкладу Дзмітрый прыводзіць сваіх малодшых брата і сястру, якія, як і тысячы іх равеснікаў, завісаюць у інтэрнэце. Ведаюць усе маладзёжныя трэнды, гадзінамі могуць сядзець у TikTok, але выдатна разумеюць, якога блогера ім можна глядзець і слухаць, а хто пад забаронай, таму што не можа даць нічога карыснага.
У самога Дзім Дзімыча няма адбою ад фанатаў. Пра сваіх паклоннікаў ён расказвае з усмешкай і цеплынёй:
- Калі ўбачаць мяне недзе ў горадзе, адразу тэлефануюць сваім сябрам, аднакласнікам і расказваюць, дзе і калі сустрэлі Дзім Дзімыча. Вядома, такая добрая фанацкая любоў мне прыемна. Хоць ёсць і тыя, хто імкнецца парушыць маю асабістую прастору. Але я на іх не злуюся, не крыўдую. Спадзяюся, у будучым яны зразумеюць, што трэба быць культурнымі з усімі, - лічыць музыкант. - На адным з выступленняў падлетак спрабаваў мяне абліць нейкай вадкасцю, якая дрэнна пахла. Я так і не зразумеў, што гэта было. Хоць такія выпадкі адзінкавыя. Добрых куды больш. Часта стукаюць мне ў дзверы кватэры і просяць маму, каб Дзім Дзімыч выйшаў. Неяк жа высочваюць, даведваюцца, дзе я жыву. Мама з фанатамі не сварыцца, нават цукеркамі частуе.
Блогерствам Дзмітрый займаецца чатыры гады і не па чутках ведае, што ў гэтай справе важна развівацца. Публіка заўсёды чакае нечага новенькага, таму даводзіцца не збаўляць абароты, прытрымліваючыся трэндаў.
- Мае першыя падпісчыкі, якія яшчэ тры-чатыры гады таму былі дзецьмі, ужо выраслі, сталі падлеткамі, у іх з'явіліся зусім іншыя інтарэсы. І гэта таксама трэба ўлічваць, - адзначае блогер. - У 24 гады я не з'яўляюся суперкарыстальнікам TikTok, але стараюся быць на адной хвалі, ведаю, чым дыхае наша падрастаючае пакаленне.
Зазіраючы наперад гадоў на 25, Дзмітрый Сіўчык бачыць сябе прадзюсарам, які можа разгледзець сапраўдныя таленты і падтрымаць іх.
- Маладым талентам трэба дапамагаць. Я часта ўспамінаю, як нялёгка мне было ў падлеткавым узросце пачынаць гэты шлях. Праз многае прайшоў, разумеючы, што павінен паказаць людзям: у жыцці ўсё магчыма. Не так важна, адвучыўся ты ў музычнай школе ці не, - гаворыць на заканчэнне Дзмітрый Сіўчык. - Як гаворыць Вольга Бузава, нікому не гавары, што не ўмееш спяваць, галоўнае - упэўнена сябе падавай, ідзі да мэты і дабівайся поспеху. Гэтага я ўсім жадаю.
Марына ВАЛАХ,
фота з адкрытых інтэрнэт-крыніц,
газета "7 дней".-0-
*Праект створаны за кошт сродкаў мэтавага збору на вытворчасць нацыянальнага кантэнту.
"Рэдка нешта маштабнае атрымліваецца з першага разу"
Дзмітрый Сіўчык больш вядомы як блогер Дзім Дзімыч. У школе ён паспяваў усё: і добра вучыцца, і спортам займацца, і ўдзельнічаць у розных мерапрыемствах. Яшчэ ён часта бываў на канцэртах папулярных артыстаў. Ужо тады, адзначае Дзім Дзімыч, ён лічыў, што можа выступаць не горш, а можа, нават і лепш. Уласна кажучы, гэтыя думкі і сталі зыходным пунктам на яго будучым творчым шляху.
- Думаю, калі б я сказаў родным і знаёмым гадоў 10 таму, што хачу спяваць і выступаць на сцэне, яны вельмі здзівіліся б. Бо ў маёй сям'і ніхто сур'ёзна не займаўся музыкай. Я і сам ніколі не вучыўся ў музычнай школе, - усміхаецца субяседнік. - Але ў старшых класах раптам зразумеў, што хачу і магу дарыць людзям сваю энергію. Гэта жаданне і прывяло мяне да напісання першага трэка, потым другога, трэцяга... Вядома, без вакальных навыкаў усё давалася не так лёгка, але дапамагала мая працавітасць. Стаў запісваць песні, распаўсюджваць іх у сацсетках.
Праз некаторы час у блогера з'явілася каманда аднадумцаў. Разам яны пачалі рухацца наперад на прафесійным узроўні. Шукалі розныя тэмы і вобразы, каб папулярызаваць творчасць Дзмітрыя Сіўчыка. Ён заўважае, што сёння моладзь хоча ўсё і адразу, і дае параду: трэба пачынаць з нечага і крок за крокам набліжацца да запаветнай мэты.
- Рэдка нешта маштабнае атрымліваецца з першага разу. За поспехам заўсёды стаіць нямала намаганняў. Трэба пастаянна ўдасканальвацца, дзень за днём станавіцца сваёй лепшай версіяй, - тлумачыць ён. - Я паверыў у сябе, стаў запісваць трэкі. Паралельна вучыўся ва ўніверсітэце і падзарабляў на будоўлі. Адкладваў грошы, каб укласці іх у творчасць. Таму магу з упэўненасцю сказаць: усё магчыма, было б жаданне.
Бацькі не адразу сур'ёзна прынялі захапленне сына. Вырашылі, што гэта часовае хобі. Калі ж убачылі, з якім натхненнем Дзіма займаецца музыкай, піша і выпускае трэк за трэкам, падтрымалі яго жаданне развівацца ў шоу-бізнесе.
- Яны даведаліся, што мае кліпы набіраюць мільённыя прагляды. Пабывалі на сольным канцэрце, убачылі эмоцыі гледачоў, адчулі іх у сябе. Так і зразумелі: сын зрабіў правільны выбар, - з гонарам расказвае Дзмітрый.
"Сацсеткам патрэбны крэатыўны, якасны матэрыял"
Шырокая папулярнасць прыйшла да яго пасля ўдзелу ў праекце "Х-Фактар". Песня "Кубики-Рубики" літаральна адразу ж, як кажуць, зайшла публіцы. Журы і гледачы былі здзіўлены смелым учынкам маладога выканаўцы, які падарыў Вользе Бузавай кветкі і пярсцёнак у выглядзе кубіка Рубіка, зрабіўшы прапанову рукі і сэрца. Спявачка хоць і рассмяялася, але падарунак прыняла, а пра смелага беларуса даведаліся далёка за межамі нашай краіны. Урэшце, вядомасцю Дзмітрый абавязаны не толькі экстравагантнаму ўчынку: яшчэ да яго журы шоу дало высокую ацэнку вакальным даным удзельніка. Праўда, у фінал праекта ён не трапіў, але гледачу запомніўся.
- Вельмі забаўная гісторыя атрымалася з Вольгай Бузавай, мы крута разыгралі сцэнку з прапановай, - усміхаецца Дзмітрый.
Яшчэ адным маштабным праектам, у якім ён з радасцю прыняў удзел, стала рэспубліканская акцыя "Марафон адзінства". Дзім Дзімыч выступаў не толькі як спявак, але і як блогер, паколькі з часам зразумеў: TikTok і іншыя маладзёжныя сацыяльныя сеткі - добры інструмент для "раскручвання" сябе. Эмоцыі ад мерапрыемства ў яго засталіся самыя пазітыўныя.
- Сюды не трэба ўкладваць вялікія грошы. Сацсеткам патрэбны крэатыўны, якасны матэрыял. Пасля "Х-Фактару" мая песня "Кубики-Рубики" пачала вірусіцца ў TikTok. Заўважыў, што пад яе здымаюць ролікі дзеці, і падумаў: чаму б і самому не быць на адной хвалі з падлеткамі, моладдзю? І гэта зайшло, - гаворыць ён. - Прыдумаў круты нік - Дзім Дзімыч. Ён хутка пайшоў у народ. На гэтым ніку пабудаваны ўвесь вобраз. Вось так, крок за крокам, год за годам працаваў над сваім іміджам, і цяпер я кумір моладзі, чым вельмі ганаруся.
Быць прыкладам для падрастаючага пакалення - гэта яшчэ і вялікая адказнасць. На канцэртах Дзмітрый стараецца вучыць дзяцей правільным каштоўнасцям: расказвае, як важна любіць бацькоў, займацца спортам, імкнуцца дасягаць мэты, марыць і не баяцца ісці ў нагу з часам.
- З нядаўняга часу мая каманда супрацоўнічае з адным з вядучых музычных лэйблаў у Расіі - Black Star. Некаторыя думаюць: а што тут такога, маўляў, занеслі грошай, праплацілі і працуюць. На самай справе гэта не так. У такім шоу-бізнесе толькі сваёй працавітасцю, талентам, жаданнем ісці наперад можна нечага дабіцца, - удакладняе Дзмітрый. - Мы выходзім на сур'ёзны ўзровень, робім розныя праекты, калабарацыі з расійскімі зоркамі.
Паводле слоў Дзмітрыя Сіўчыка, сёння многія беларускія артысты знаходзяцца ў топ-чартах. Пра іх гавораць у расійскім шоу-бізнесе, запрашаюць прыняць удзел у розных мерапрыемствах на прасторах усёй СНД. У гэтым плане Беларусь зрабіла вялікі скачок наперад.
- На "Марафоне адзінства" каманда блогераў на канцэртах збірала па 3-5 тыс. гледачоў. Поспех быў заўважаны ў Расіі. Калі прыязджаў у Маскву і іншыя гарады, чуў, як гавораць пра гэту маштабную акцыю, маўляў, беларусы ўзялі такі моцны вектар, - з гонарам гаворыць Дзмітрый. - Хочацца і далей удзельнічаць у крутых праектах, каб іх было як мага больш. Бо ў нашай краіне шмат таленавітых, крэатыўных маладых людзей. Мы не горшыя за расійскіх зорак. Трэба верыць у сваіх і, як гаворыць наш Прэзідэнт, працаваць, працаваць і яшчэ раз працаваць. Тады ўсё атрымаецца!
"У мяне атрымліваецца злучаць розныя пакаленні"
Большая частка фанатаў Дзімаў Дзімыча - падлеткі. Але ёсць у ліку яго гледачоў і дарослыя, якім блізка творчасць блогера і музыканта.
- На канцэртах бачу, як пад "Кубики-Рубики" ці "Буратино" спяваюць і танцуюць бабулі. Крута, што ў мяне як універсальнага іграка атрымліваецца злучаць розныя пакаленні, - гаворыць ён і адзначае, што нашы бацькі, бабулі і дзядулі часам скептычна ставяцца да кантэнту ў сацыяльных сетках. - Акрамя добрых песень, як у мяне, у іх ёсць адваротны бок, які не рэкамендаваны для прагляду падлеткамі. Тут на першае месца выходзіць выхаванне: дзіцяці ў сям'і важна тлумачыць, што такое добра і што такое дрэнна.
У якасці прыкладу Дзмітрый прыводзіць сваіх малодшых брата і сястру, якія, як і тысячы іх равеснікаў, завісаюць у інтэрнэце. Ведаюць усе маладзёжныя трэнды, гадзінамі могуць сядзець у TikTok, але выдатна разумеюць, якога блогера ім можна глядзець і слухаць, а хто пад забаронай, таму што не можа даць нічога карыснага.
У самога Дзім Дзімыча няма адбою ад фанатаў. Пра сваіх паклоннікаў ён расказвае з усмешкай і цеплынёй:
- Калі ўбачаць мяне недзе ў горадзе, адразу тэлефануюць сваім сябрам, аднакласнікам і расказваюць, дзе і калі сустрэлі Дзім Дзімыча. Вядома, такая добрая фанацкая любоў мне прыемна. Хоць ёсць і тыя, хто імкнецца парушыць маю асабістую прастору. Але я на іх не злуюся, не крыўдую. Спадзяюся, у будучым яны зразумеюць, што трэба быць культурнымі з усімі, - лічыць музыкант. - На адным з выступленняў падлетак спрабаваў мяне абліць нейкай вадкасцю, якая дрэнна пахла. Я так і не зразумеў, што гэта было. Хоць такія выпадкі адзінкавыя. Добрых куды больш. Часта стукаюць мне ў дзверы кватэры і просяць маму, каб Дзім Дзімыч выйшаў. Неяк жа высочваюць, даведваюцца, дзе я жыву. Мама з фанатамі не сварыцца, нават цукеркамі частуе.
Блогерствам Дзмітрый займаецца чатыры гады і не па чутках ведае, што ў гэтай справе важна развівацца. Публіка заўсёды чакае нечага новенькага, таму даводзіцца не збаўляць абароты, прытрымліваючыся трэндаў.
- Мае першыя падпісчыкі, якія яшчэ тры-чатыры гады таму былі дзецьмі, ужо выраслі, сталі падлеткамі, у іх з'явіліся зусім іншыя інтарэсы. І гэта таксама трэба ўлічваць, - адзначае блогер. - У 24 гады я не з'яўляюся суперкарыстальнікам TikTok, але стараюся быць на адной хвалі, ведаю, чым дыхае наша падрастаючае пакаленне.
Зазіраючы наперад гадоў на 25, Дзмітрый Сіўчык бачыць сябе прадзюсарам, які можа разгледзець сапраўдныя таленты і падтрымаць іх.
- Маладым талентам трэба дапамагаць. Я часта ўспамінаю, як нялёгка мне было ў падлеткавым узросце пачынаць гэты шлях. Праз многае прайшоў, разумеючы, што павінен паказаць людзям: у жыцці ўсё магчыма. Не так важна, адвучыўся ты ў музычнай школе ці не, - гаворыць на заканчэнне Дзмітрый Сіўчык. - Як гаворыць Вольга Бузава, нікому не гавары, што не ўмееш спяваць, галоўнае - упэўнена сябе падавай, ідзі да мэты і дабівайся поспеху. Гэтага я ўсім жадаю.
Марына ВАЛАХ,
фота з адкрытых інтэрнэт-крыніц,
газета "7 дней".-0-
*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
