27 сакавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сірыйскай Арабскай Рэспубліцы Юрый Слука 26 сакавіка сустрэўся з міністрам сацыяльных пытанняў і працы Сірыйскай Арабскай Рэспублікі Махамедам Сейф Аль-Дзінам. Аб гэтым карэспандэнту БЕЛТА паведамілі ў беларускім знешнепалітычным ведамстве.
У час сустрэчы бакі адзначылі высокі патэнцыял двухбаковых адносін, а таксама неабходнасць актывізацыі супрацоўніцтва па лініі адпаведных міністэрстваў дзвюх краін. Асобная ўвага была ўдзелена пытанню арганізацыі адпачынку і аздараўлення сірыйскіх дзяцей у Рэспубліцы Беларусь у 2023 годзе.
Махамед Сейф Аль-Дзін высока ацаніў ініцыятыву запрашэння сірыйскіх дзяцей у Беларусь і выказаў удзячнасць беларускаму боку за пашырэнне гэтай праграмы. Юрый Слука пацвердзіў зацікаўленасць Рэспублікі Беларусь ва ўмацаванні ўзаемадзеяння з Сірыяй і прадаўжэнні рэалізацыі сумесных праектаў у гуманітарнай сферы.-0-
