Фота з архіва
15 ліпеня, Мінск /Кар. БЕЛТА/. Як уберагчы дзіця ад перагрэву, расказалі эксперты. Аб гэтым паведамляе БЕЛТА са спасылкай на Мінскі гарадскі цэнтр гігіены і эпідэміялогіі.
Дзеці пераносяць гарачыню горш, чым дарослыя. Гэта звязана з асаблівасцямі функцыянавання дзіцячага арганізма. У дзяцей добрая цеплапрадукцыя і зніжаная цеплааддача. Чым меншае дзіця, тым менш устойлівая яго сістэма тэрмарэгуляцыі.
Чым небяспечна гарачыня
Прыкметамі перагрэву могуць быць адсутнасць апетыту пасля працяглай прагулкі на сонцы, млявасць, капрызнасць, санлівасць, млоснасць, ірвота.
На цеплавы ўдар у дзіцяці могуць паказваць павышэнне тэмпературы цела, учашчэнне пульсу і дыхання, парушэнне свядомасці, галавакружэнне, моцны боль у скроні, узбуджанасць або страта прытомнасці, сутаргі, сухая гарачая скура.
Пры сімптомах перагрэву трэба змясціць дзіця у больш халаднаватае месца, прыкласці вільготную тканіну да скуры, даць выпіць вады. Пры адсутнасці паляпшэння стану, наяўнасці сімптомаў цеплавога ўдару трэба неадкладна звярнуцца да ўрача.
Вада, ежа, лекі: рэкамендацыі
Для прагулак трэба выбіраць ранішнія і вячэрнія гадзіны, пазбягаючы час найбольшай сонечнай актыўнасці (з 11.00 да 15.00). Пажадана гуляць пад рассеяным святлом у цені дрэў.
Важна паклапаціцца аб прыдатным адзенні для дзіцяці. Трэба аддаваць перавагу натуральным тканінам - бавоўна або лён. Адзенне павінна быць лёгкім, свабоднага крою, закрываць цела, што дасць магчымасць засцерагчыся ад сонечных апёкаў. Лепш пазбягаць цёмных і насычаных колераў. Вельмі важныя галаўныя ўборы.
Дзецям неабходна рэгулярна даваць ваду, дапускаецца ўжыванне мінеральнай негазіраванай вады без цукру - гэта садзейнічае падтрыманню электралітнага балансу.
Трэба адмовіцца ад ужывання тлустай, салёнай ежы, простых вугляводаў, напрыклад мучных вырабаў, ласункаў. Гэтыя прадукты лепш замяніць свежымі фруктамі.
У летнія аздараўленчыя ўстановы не трэба перадаваць хуткапсавальныя харчовыя прадукты (кавуны, дыні, ягады, глазураваныя сыркі і іншае), а таксама прадукты, якія не адпавядаюць прынцыпам дзіцячай дыетэтыкі (чыпсы, снэкі і інш.). У гарачыню прадукты псуюцца хутчэй.
Пры гарачым надвор'і апетыт дзіцяці значна зніжаецца. Не трэба прымушаць дзіця есці праз сілу. Трэба аддаваць перавагу лёгкім стравам - агароднінным і фруктовым салатам, малочным прадуктам.
Перад дзённым сном рэкамендуецца памыць рукі, ногі і твар. Вада для гэтых працэдур павінна быць халаднаватай, але не халоднай. Можна абцерціся вільготным ручніком.
Пры гарачых умовах надвор'я аднабаковае праветрыванне ў прысутнасці дзяцей можна праводзіць кругласутачна. Скразное праветрыванне эфектыўнае, але праводзіць яго дапускаецца толькі пры адсутнасці дзяцей у праветрываемым памяшканні.
Важна памятаць, што некаторыя лекавыя сродкі павышаюць адчувальнасць дзяцей да гарачыні. Да іх можна аднесці антыгістамінныя, супрацьарытмічныя, спазмалітычныя прэпараты. Прымяняць лекавыя прэпараты ў аздараўленчых установах можна толькі па назначэнні ўрача.-0-
Дзеці пераносяць гарачыню горш, чым дарослыя. Гэта звязана з асаблівасцямі функцыянавання дзіцячага арганізма. У дзяцей добрая цеплапрадукцыя і зніжаная цеплааддача. Чым меншае дзіця, тым менш устойлівая яго сістэма тэрмарэгуляцыі.
Чым небяспечна гарачыня
Прыкметамі перагрэву могуць быць адсутнасць апетыту пасля працяглай прагулкі на сонцы, млявасць, капрызнасць, санлівасць, млоснасць, ірвота.
На цеплавы ўдар у дзіцяці могуць паказваць павышэнне тэмпературы цела, учашчэнне пульсу і дыхання, парушэнне свядомасці, галавакружэнне, моцны боль у скроні, узбуджанасць або страта прытомнасці, сутаргі, сухая гарачая скура.
Пры сімптомах перагрэву трэба змясціць дзіця у больш халаднаватае месца, прыкласці вільготную тканіну да скуры, даць выпіць вады. Пры адсутнасці паляпшэння стану, наяўнасці сімптомаў цеплавога ўдару трэба неадкладна звярнуцца да ўрача.
Вада, ежа, лекі: рэкамендацыі
Для прагулак трэба выбіраць ранішнія і вячэрнія гадзіны, пазбягаючы час найбольшай сонечнай актыўнасці (з 11.00 да 15.00). Пажадана гуляць пад рассеяным святлом у цені дрэў.
Важна паклапаціцца аб прыдатным адзенні для дзіцяці. Трэба аддаваць перавагу натуральным тканінам - бавоўна або лён. Адзенне павінна быць лёгкім, свабоднага крою, закрываць цела, што дасць магчымасць засцерагчыся ад сонечных апёкаў. Лепш пазбягаць цёмных і насычаных колераў. Вельмі важныя галаўныя ўборы.
Дзецям неабходна рэгулярна даваць ваду, дапускаецца ўжыванне мінеральнай негазіраванай вады без цукру - гэта садзейнічае падтрыманню электралітнага балансу.
Трэба адмовіцца ад ужывання тлустай, салёнай ежы, простых вугляводаў, напрыклад мучных вырабаў, ласункаў. Гэтыя прадукты лепш замяніць свежымі фруктамі.
У летнія аздараўленчыя ўстановы не трэба перадаваць хуткапсавальныя харчовыя прадукты (кавуны, дыні, ягады, глазураваныя сыркі і іншае), а таксама прадукты, якія не адпавядаюць прынцыпам дзіцячай дыетэтыкі (чыпсы, снэкі і інш.). У гарачыню прадукты псуюцца хутчэй.
Пры гарачым надвор'і апетыт дзіцяці значна зніжаецца. Не трэба прымушаць дзіця есці праз сілу. Трэба аддаваць перавагу лёгкім стравам - агароднінным і фруктовым салатам, малочным прадуктам.
Перад дзённым сном рэкамендуецца памыць рукі, ногі і твар. Вада для гэтых працэдур павінна быць халаднаватай, але не халоднай. Можна абцерціся вільготным ручніком.
Пры гарачых умовах надвор'я аднабаковае праветрыванне ў прысутнасці дзяцей можна праводзіць кругласутачна. Скразное праветрыванне эфектыўнае, але праводзіць яго дапускаецца толькі пры адсутнасці дзяцей у праветрываемым памяшканні.
Важна памятаць, што некаторыя лекавыя сродкі павышаюць адчувальнасць дзяцей да гарачыні. Да іх можна аднесці антыгістамінныя, супрацьарытмічныя, спазмалітычныя прэпараты. Прымяняць лекавыя прэпараты ў аздараўленчых установах можна толькі па назначэнні ўрача.-0-
Падпісвайцеся на нас у
