5 жніўня, Мінск /Кар. БЕЛТА/. Адбылося агрэсіўнае ўварванне звонку ў медыйнае поле Беларусі. Такім назіраннем у час чарговага пасяджэння праекта БІСД і БЕЛТА "Экспертнае асяроддзе" - "Пасланне Прэзідэнта Беларусі. Погляд у будучыню" падзяліўся навуковы супрацоўнік Інстытута філасофіі НАН Беларусі Аляксей Дзермант.
Важнай тэмай Паслання Аляксей Дзермант назваў канстытуцыйную рэформу. "Калі мы будзем мяняцца, калі мы гэтыя перамены запускаем, то трэба разумець, што і партыйная сістэма, і наш парламентарызм павінны быць устойлівыя да агрэсіўных знешніх уздзеянняў. А гэта патрабуе вельмі дасканалага прадумвання, - лічыць эксперт. - Цяпер мы бачым, па сутнасці, агрэсіўнае ўварванне звонку паліттэхнолагаў, якія іграюць і на медыйнай сферы, і на пратэстах".
"Прэзідэнт гаварыў, што вось мы не дазволім сабе прайграць бітву ў інтэрнэце, але гэта патрабуе канкрэтнага плана медыяпалітыкі і паліттэхналогіі", - дадаў Аляксей Дзермант. На яго думку, трэба ўважліва прааналізаваць усе медыя- і паліттэхналогіі, якія прымяняюцца ў Беларусі, выпрацаваць контрмеры. "А далей заснаваць сваю школу не проста актыўнага процідзеяння, а дзеяння ў гэтай сферы. Таму што мы цяпер пакуль знаходзімся ў пасіўнай пазіцыі. Гэта значыць да нас прыходзяць і пачынаюць тут свае эксперыменты праводзіць. Таму трэба экспертнай супольнасці вылучаць нейкі сегмент унутры сябе, які будзе прафесійна займацца і вывучэннем, і практыкай медыя і паліттэхналогій", - лічыць эксперт.-0-
