ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Грамадства
13 мая 2021, 10:00

Дзермант: цяпер самы час сабраць факты аб генацыдзе ў час ВАВ і выставіць іх Захаду

Аляксей Дзермант. Фота з архіва
Аляксей Дзермант. Фота з архіва

13 мая, Мінск /Кар. БЕЛТА/. Цяпер самы час сабраць і задакументаваць факты аб генацыдзе беларускага народа ў час Вялікай Айчыннай вайны і прад'явіць гэта заходнім "партнёрам". Такое меркаванне газеце "СБ. Беларусь сегодня" выказаў навуковы супрацоўнік Інстытута філасофіі НАН Беларусі палітолаг Аляксей Дзермант, паведамляе БЕЛТА.

"У цэлым мы ўяўляем, якую долю нам прызначыла нацысцкая Германія і яе памагатыя, якія праводзілі знішчальную палітыку на тэрыторыі Беларусі. І сама ідэалогія нацызму, і палітыка, якая ажыццяўляецца пад яе сцягам, асуджаны як злачынныя, дакладна гэтак жа, як і любыя арганізацыі і асобы, датычныя да правядзення гэтай палітыкі. Але аказваецца, што гэтага мала, што існуе мноства дэталей і фактаў, якія выпадалі з-пад увагі даследчыкаў, гісторыкаў і простых грамадзян, - разважае аналітык. - І ўсе гэтыя факты ўкладваюцца ў карціну не проста ваенных дзеянняў, але ў логіку мэтанакіраванага генацыду мясцовага насельніцтва, якое складалася не толькі з беларусаў, а з яўрэяў, рускіх, украінцаў, палякаў і прадстаўнікоў іншых народаў".

Аляксей Дзермант нагадвае, што ва ўсім свеце ведаюць і гавораць пра халакост як пра такі ж мэтанакіраваны, прадуманы план знішчэння яўрэйскага народа. "Дык чаму ж на Захадзе не прызнаюць генацыд беларусаў і іншых народаў, якія трапілі ў крывавую мясарубку той вайны? Чаму існуюць нейкія двайныя стандарты і сёння былыя акупанты ўжо адчуваюць не віну за ўчыненае, а пэўную маральную перавагу і магчымасць дыктаваць і навязваць нам свае погляды на ўнутраную палітыку ў нашай краіне? Відаць, таму, што з залішняй сціпласці і разліку на прыстойнасць былых ворагаў, на іх сумленне мы доўгі час меркавалі, што спецыяльна вылучаць беларусаў, гаварыць аб праводзімым у адносінах да іх генацыдзе было неяк не прынята, маўляў, і так усё зразумела, - падкрэслівае палітолаг. - Аказваецца, многім ужо незразумела. Асабліва ў Еўропе, дзе Еўрапарламент сваімі рэзалюцыямі фактычна ўраўноўвае савецкі лад і гітлераўскі рэжым, за чым абавязкова пойдзе і ўраўноўванне ў свядомасці абывацеляў пераможцаў і пераможаных - нібыта гэта два таталітарныя рэжымы змагаліся паміж сабой, а беларусы, рускія, немцы ў роўнай ступені былі проста іх ахвярамі".

Навуковы супрацоўнік Інстытута філасофіі НАН лічыць, што ні ў Беларусі, ні ў Расіі не ўдасца ажыццявіць гэту езуіцкую падмену паняццяў. "Не мы напалі на чужую краіну і не мы планавалі знішчэнне там мільёнаў людзей у залежнасці ад іх нацыянальнай прыналежнасці для вызвалення жыццёвай прасторы для "сапраўдных арыйцаў". Вось таму і патрэбна новае дасканалае расследаванне з прывязкай да канкрэтнай тэрыторыі ўсяго таго, што рабілі гэтыя "невінаватыя" на нашай зямлі. Сабраць факты і выставіць іх таму боку - няхай успомняць, падумаюць і, будзем спадзявацца, зноў пакаюцца і перастануць выказваць нам свае прэтэнзіі. Беларусы не трымаюць зла на тых, хто шчыра гатовы прызнаць свае памылкі і злачынствы, хто гатовы нармальна дружыць і супрацоўнічаць без фігі ў кішэні. Але мы не будзем цярпець адкрытай подласці, хлусні і двайных стандартаў. Аказваецца, фашызм яны шукаюць не ў сваім мінулым, а ў нас, у сучаснай беларускай дзяржаве, заснаванай менавіта на антыфашызме і антынацызме, - адзначае Аляксей Дзермант і дапускае, што, магчыма, там гэта ўсё праігнаруюць або спішуць на даўнасць гадоў. - Але вось тут і трэба будзе праявіць прынцыповасць і цвёрдасць пераможцаў, якіх беларусам не займаць. А цяпер час збіраць факты, старанна ўсё дакументаваць, знайсці тых, хто пазбег адказнасці, і выставіць гэта ўсё заходнім "партнёрам". Няхай зоймуцца карыснай справай дзеля ачышчэння ўласнага сумлення і рэпутацыі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі