Сцяг Чацвер, 23 мая 2024
Усе навіны
Усе навіны
Грамадства
29 сакавіка 2023, 09:00

Дзень высокай стаматалогіі правядзе БДМУ

29 сакавіка, Мінск /Кар. БЕЛТА/. Міжнародны кангрэс "Дэнтальная імпланталогія" і навукова-практычная канферэнцыя "Дзень высокай стаматалогіі ў Рэспубліцы Беларусь" пройдуць 30 і 31 сакавіка ў Беларускім дзяржаўным медыцынскім універсітэце, паведамілі БЕЛТА ў медуніверсітэце.

Таксама адбудзецца рэспубліканская нарада, прысвечаная вынікам работы стаматалагічнай службы Беларусі за 2022 год і яе задачам на бягучы год.

Праграма навуковага форуму ўключае выступленні экспертаў у галіне стаматалогіі з Беларусі, Расіі, Рэспублікі Карэя, Італіі, Ізраіля, што дасць магчымасць аб'яднаць прафесіяналаў, зацікаўленых у бесперапынным самаразвіцці. Лектары кангрэса, нарады і канферэнцыі данясуць да слухачоў актуальныя і праблемныя пытанні стаматалогіі.

Мэта мерапрыемстваў - абмен навукова-практычным вопытам стаматолагаў-тэрапеўтаў, стаматолагаў-артапедаў, артадонтаў, стаматолагаў-хірургаў і сківічна-тварных хірургаў па надзённых аспектах сучаснай стаматалогіі, аналіз работы айчыннай стаматалагічнай службы ў мінулым годзе і абазначэнне бліжэйшых перспектыў яе развіцця.

Кангрэс і канферэнцыя пройдуць пад эгідай Міністэрства аховы здароўя. Арганізатары - БДМУ, Беларускае рэспубліканскае грамадскае аб'яднанне спецыялістаў стаматалогіі.-0-

Падпісвайцеся на нас у
Twitter
Топ-навіны
Свежыя навіны Беларусі