Фота з архіва
25 красавіка, Мінск /Кар. БЕЛТА/. Аб мерах па прафілактыцы дзіцячых неінфекцыйных захворванняў ва ўстановах адукацыі журналістам расказала загадчыца аддзела гігіены дзяцей і падлеткаў Рэспубліканскага цэнтра гігіены, эпідэміялогіі і грамадскага здароўя Дзіяна Лось, перадае карэспандэнт БЕЛТА.
Дзіяна Лось адзначыла, што сярод неінфекцыйных захворванняў у дзяцей усё часцей сустракаюцца праблемы з паніжэннем вастрыні зроку, парушэнне паставы, а таксама дэфекты маўлення і слыху. У прафілактыцы неінфекцыйнай захваральнасці важную ролю адыгрываюць умовы размяшчэння дзяцей ва ўстановах адукацыі. Так, напрыклад, мэбля ў вучэбных класах выбрана і расстаўлена з улікам росту навучэнцаў. "Увайшоўшы ў кожны вучэбны клас, вы ўбачыце, што мэбля мае розныя роставыя маркіроўкі і расстаўлена ад меншага росту да большага", - сказала загадчыца.
Паводле яе слоў, улічваюцца таксама ўмовы асвятлення: ёсць патрабаванні да ўзроўню штучнай асветленасці і асветленасці класнай дошкі. Вялікая ўвага ўдзяляецца рэжыму дня ў дзяцей, а таксама харчаванню. "Да харчавання дзяцей прад'яўляюцца асаблівыя патрабаванні. Напрыклад, санітарнымі правіламі зацверджаны пералік прадуктаў, забароненых для выкарыстання ва ўстановах адукацыі", - адзначыла Дзіяна Лось. У школах пастаянна праводзяцца наглядныя мерапрыемствы, у якіх спецыялісты цэнтра выходзяць на аб'екты, правяраюць стан харчаблока, кантралююць меню і якасць прадукцыі, а таксама праводзяць лабараторныя даследаванні.
Загадчыца расказала, што ўжо амаль 10 гадоў ва ўстановах адукацыі рэалізуецца праграма "Школа - тэрыторыя здароўя". "Гэта праграма рэалізуецца сумесна з педагогамі і метадыстамі ўстаноў адукацыі, удзел прымаюць і ўстановы аховы здароўя. Яна накіравана на прафілактыку захворванняў, якія могуць узнікаць у дзяцей. Напрыклад, увага ўдзяляецца рухальнай актыўнасці дзяцей. Кожнаму дзіцяці трэба рухацца больш за 60 хвілін у дзень. На ўроках фізкультуры гэтага дасягнуць немагчыма, таму дзякуючы праграме распрацоўваюцца розныя методыкі. Напрыклад, дынамічныя перапынкі, калі дзіця пасля ўрока не сядзіць у гаджэтах, а ўдзельнічае ў танцавальнай хвілінцы", - сказала яна.
Дзіяна Лось падкрэсліла, што, на жаль, школа не можа самастойна вырашыць сучасныя праблемы дзяцей - няправільнае харчаванне, гаджэтазалежнасць і неактыўны лад жыцця. Да гэтага абавязкова павінны быць далучаны бацькі, паколькі дзеці капіруюць іх паводзіны.-0-
Дзіяна Лось адзначыла, што сярод неінфекцыйных захворванняў у дзяцей усё часцей сустракаюцца праблемы з паніжэннем вастрыні зроку, парушэнне паставы, а таксама дэфекты маўлення і слыху. У прафілактыцы неінфекцыйнай захваральнасці важную ролю адыгрываюць умовы размяшчэння дзяцей ва ўстановах адукацыі. Так, напрыклад, мэбля ў вучэбных класах выбрана і расстаўлена з улікам росту навучэнцаў. "Увайшоўшы ў кожны вучэбны клас, вы ўбачыце, што мэбля мае розныя роставыя маркіроўкі і расстаўлена ад меншага росту да большага", - сказала загадчыца.
Паводле яе слоў, улічваюцца таксама ўмовы асвятлення: ёсць патрабаванні да ўзроўню штучнай асветленасці і асветленасці класнай дошкі. Вялікая ўвага ўдзяляецца рэжыму дня ў дзяцей, а таксама харчаванню. "Да харчавання дзяцей прад'яўляюцца асаблівыя патрабаванні. Напрыклад, санітарнымі правіламі зацверджаны пералік прадуктаў, забароненых для выкарыстання ва ўстановах адукацыі", - адзначыла Дзіяна Лось. У школах пастаянна праводзяцца наглядныя мерапрыемствы, у якіх спецыялісты цэнтра выходзяць на аб'екты, правяраюць стан харчаблока, кантралююць меню і якасць прадукцыі, а таксама праводзяць лабараторныя даследаванні.
Загадчыца расказала, што ўжо амаль 10 гадоў ва ўстановах адукацыі рэалізуецца праграма "Школа - тэрыторыя здароўя". "Гэта праграма рэалізуецца сумесна з педагогамі і метадыстамі ўстаноў адукацыі, удзел прымаюць і ўстановы аховы здароўя. Яна накіравана на прафілактыку захворванняў, якія могуць узнікаць у дзяцей. Напрыклад, увага ўдзяляецца рухальнай актыўнасці дзяцей. Кожнаму дзіцяці трэба рухацца больш за 60 хвілін у дзень. На ўроках фізкультуры гэтага дасягнуць немагчыма, таму дзякуючы праграме распрацоўваюцца розныя методыкі. Напрыклад, дынамічныя перапынкі, калі дзіця пасля ўрока не сядзіць у гаджэтах, а ўдзельнічае ў танцавальнай хвілінцы", - сказала яна.
Дзіяна Лось падкрэсліла, што, на жаль, школа не можа самастойна вырашыць сучасныя праблемы дзяцей - няправільнае харчаванне, гаджэтазалежнасць і неактыўны лад жыцця. Да гэтага абавязкова павінны быць далучаны бацькі, паколькі дзеці капіруюць іх паводзіны.-0-
Падпісвайцеся на нас у
