18 студзеня, Мінск /Кар. БЕЛТА/. З-за тэхнічных збояў у "Мядзінінкаі" (з беларускага боку - "Каменны Лог") і "Райгардасе" (з беларускага боку - "Прывалка") колькасць грузавікоў, якія чакаюць уезду ў Літву, павялічылася. Аб гэтым БЕЛТА паведамілі ў Дзяржаўным пагранічным камітэце.
Агульная колькасць фур на ўезд у Літву за суткі павялічылася з 800 да 1020. Найбольшая колькасць транспарту фіксуецца на маршруце праз "Мядзінінкай" - 450 грузавікоў. У названым пункце пропуску 17 студзеня з 7.00 да 11.00, а таксама з 00.00 18 студзеня да гэтага часу адсутнічае электрычнасць. У "Райгардасе" таксама ўзнікалі праблемы: з 4.00 да 7.00 мінулых сутак зафіксаваны збой праграмнага забеспячэння ў кантрольных службаў.
На ўезд у Польшчу колькасць транспарту нязначна знізілася. Самы загружаны маршрут праз польскі пагранпераход "Баброўнікі" (сумежны беларускі - "Бераставіца") - каля 240 велікагрузаў.
Пункт пропуску "Кузніца Беластоцкая" застаецца закрытым, што павялічвае нагрузку на маршруты руху ў краіны Еўрасаюза.
На ўезд у Латвію істотнай колькасці фур не адзначаецца - усяго каля 110.-0-