28 верасня, Мінск /Кар. БЕЛТА/. З пачатку тыдня колькасць грузавікоў на ўезд у ЕС павялічылася ў два разы. Аб гэтым БЕЛТА паведамілі ў Дзяржпагранкамітэце.
Асноўнай прычынай застаецца невыкананне сумежнымі кантрольнымі службамі двухбаковых дамоўленасцей па пропуску аўтамабіляў.
Найбольшая колькасць грузавікоў адзначаецца перад польскім пагранпераходам "Баброўнікі" ("Бераставіца"). Па названым маршруце ў ЕС прайшло ўсяго 29 працэнтаў фур ад нормы.
За мінулыя суткі латвійскія кантрольныя службы ў пунктах пропуску "Патарніекі" ("Грыгароўшчына") і "Сілене" ("Урбаны") аформілі ў сярэднім 59 працэнтаў грузавікоў ад устаноўленых нарматываў.
Легкавы транспарт уязджаў з затрымкамі ў Еўропу праз польскія пункты пропуску "Цярэспаль" ("Брэст"), "Баброўнікі" ("Бераставіца") і літоўскі - "Райгардас" ("Прывалка"). Сумежныя кантрольныя службы прапусцілі на сваю тэрыторыю 39 працэнтаў, 47 працэнтаў і 70 працэнтаў аўто ад нормы.-0-