ДПК: уезду ў Еўрасаюз чакаюць каля 3750 фур, легкавушак і аўтобусаў

30 жніўня, Мінск /Кар. БЕЛТА/. Уезду ў Еўрасаюз чакаюць каля 3750 фур, легкавушак і аўтобусаў. Аб гэтым БЕЛТА паведамілі ў Дзяржпагранкамітэце.  

З пачатку тыдня колькасць грузавікоў, якія чакаюць уезду ў Польшчу, павялічылася амаль на 300 адзінак, у Літву - на 70. На латвійскім напрамку чарга не змянілася. Кантрольныя службы польскага пагранічнага перахода "Кукурыкі" (сумежны "Казловічы") штосутачна прапускалі на сваю тэрыторыю каля 55 працэнтаў фур ад нормы. Супрацоўнікі літоўскіх пунктаў пропуску "Мядзінінкай" (сумежны "Каменны Лог") і "Шальчынінкай" (сумежны "Беняконі") аформілі каля 30 працэнтаў велікагрузаў. У латвійскім пагранічным пераходзе "Патэрніекі" (сумежны "Грыгароўшчына") у ЕС з панядзелка прапусцілі 48 працэнтаў фур.

З пачатку тыдня чарга легкавога транспарту павялічылася толькі на ўезд у Літву - з 10 да 320 аўто. Самым загружаным маршрутам у ЕС для легкавушак застаецца польскі "Цярэспаль" (сумежны "Брэст"). Цяпер уезду ў Польшчу перад названым пунктам пропуску чакаюць 550 легкавушак. Пры гэтым паказчык выканання нормы ў кантрольных службаў "Цярэспаля" з панядзелка аказаўся найменшым сярод усіх пунктаў пропуску - каля 35 працэнтаў.

Таксама перад "Цярэспалем" на ўезд у Польшчу фіксуецца 25 аўтобусаў.-0-